Xəbərlər
21.04.2026, 10:16
VAQİF VÜQAR : BİR YOZUMDU BU DÜNYA - FOTO
Ay mənə bənzəyən qış.
Mən bahardan gəlirəm
Hər yamaca,hər yala,
Göydə süzən qartala
Borclu şeirlərimlə.
Uzaqlardan gəlirəm,
Yıxılmışam atımdan.
Bir eşqin ucbatından
Suçlu şeirlərimlə.
Nəyi varsa aç oxu,
Bizdən umdu bu dünya.
Gördüyümüz bir yuxu,
Bir yozumdu bu dünya.
Allah qoşa qanad ver
Quşları ötüb keçim
Haraylasın səhərlər,
Axşamı örtüb keçim.
Məni çinar tək bitir,
İstəmirəm kol ömrü.
Ürəyimdə gör nədi,
İstəyirəm əbədi
Tufan ömrü, sel ömrü...
Son xəbərlər
Ən çox oxunanlar
- Bu gün
- Bu həftə
- Bu ay
