Məşhur türkiyəli aktrisa Hande Erçelin “OGM Pictures”ın rəhbəri, prodüser Onur Güvenatamla eşq yaşadığı iddia olunur.

"Turaztv.az" “Qafqazinfo”-ya istinadən xəbər verir ki, jurnalistlərin suallarını cavablandıran H.Erçel yayılan xəbərlərə ilk dəfə münasibət bildirib.

“Əslində, hələ danışılacaq bir vəziyyət yoxdur. Danışılmalı zaman gələndə, inşallah, danışarıq. Hər şey çox yenidir. Mən kimisə tanıya bilmərəmmi? Qoy insanlar hökm verməzdən əvvəl bir az gözləsinlər. Belə şeylər qismətdir”, - o qeyd edib.

Xatırladaq ki, Hande Erçel bir neçə ay əvvəl iş adamı Hakan Sabancı ilə münasibətinə son qoymuşdu. Ayrılıqdan sonra Erçelin Londonda dil kursu üçün ev kirirayələdiyi bildirilmişdi. Bu müddətdə onun hava limanında Onur Güvenatamla qarşılaşdığı və münasibətlərinin bu tanışlıqdan sonra başladığı iddia edilmişdi.