İsrailin Baş naziri Benyamin Netanyahu xalqa müraciət edərək bildirib ki, Qəzza zolağının demilitarizasiyası zəruri olarsa, bu, “sərt yolla” həyata keçiriləcək.

"Turaztv.az" “Qafqazinfo”-ya istinadən xəbər verir ki, bu barədə BBC məlumat yayıb.

Bildirilib ki, Netanyahu bütün girovların azad edilməsinə dair verdiyi vədi yerinə yetirmək üçün işlərin davam etdiyini deyib. Onun sözlərinə görə, İsrail qüvvələri hazırda HƏMAS-ı bütün istiqamətlərdən mühasirəyə alıb.

Baş nazir söyləyib ki, ABŞ Prezidenti Donald Trampın təşəbbüsü ilə hazırlanmış sülh planının növbəti mərhələlərinə əsasən, HƏMAS silahsızlaşdırılacaq və Qəzza tam demilitarizasiya olunacaq:

“Əgər buna asan yolla nail olmaq mümkün olsa, çox yaxşı. Amma mümkün olmasa, buna sərt yolla nail olacağıq”.

Xatırladaq ki, İsrail və HƏMAS Misirdə Trampın planının birinci mərhələsi üzrə razılığa gəliblər.