Barselona" qış transfer dönəmində hücum xəttini gücləndirmək üçün Xulian Alvaresin transferi istiqamətində addımlar atmağa hazırlaşır.

"Turaztv.az" "Unikal"-a istinadən xəbər verir ki, oyunçunu heyətinə qatmaq üçün Kataloniya klubu artıq ilkin planlar qurur.


Bu barədə məlumatı "Diario Sport" yayıb.

Lakin bu transfer asan olmayacaq. Çünki Madrid "Atletiko"su argentinalı hücumçu üçün 200 milyon avro tələb edir.

"Barselona" rəhbərliyi oyunçunun gənc yaşı və böyük potensialını nəzərə alaraq bu transferi uzunmüddətli sərmayə kimi görür. Amma maliyyə çətinlikləri və “Maliyyə Fair Play” qaydaları bu prosesi xeyli mürəkkəbləşdirə bilər.

Xatırladaq ki, Alvares son illərdə həm klub, həm də Argentina millisində parlaq çıxışı ilə diqqət mərkəzinə düşüb və Avropanın bir çox nəhəng klublarının maraq dairəsindədir.