Qeyd edək ki, Əmrullayeva Mehriban İbrahim qızı - 1957-ci il oktyabrın 21-də Quba rayonunun II Nügədi kəndində kolxozçu ailəsində anadan olub. 1965-1975-ci illərdə II Nügədi kənd 2 saylı tam orta məktəbində təhsil alıb. Daha sonra təhsilini Bakı şəhərində davam etdirib. Ali məktəbi bitirdikdən sonra müxtəlif vəzifələrdə çalışıb. Eyni zamanda, gənc yaşlarından istedadlı qələm sahibi kimi tanınıb. Azərbaycan Jurnalistlər Birliyinin üzvü seçilib. “Qızıl Qələm” və “İlin Junalisti” media mükafatları laureatı adını qazanıb. Dövlətə və dövlətçiliyə, eləcə də, xalqa göstərdiyi nümunəvi xidmətlərinə və vətəndaşlıq mövqeyinə görə "Azərbaycan Ziyalısı" mükafatı ilə təltif olunub, "Cabir Novruz" Mədəniyyət Fondunun təsis etdiyi "Mikayıl Müşfiq" mükafatına layiq görülüb.
Mehriban Əmrullayeva 3 kitab müəllifidir. Onun qələmə aldığı "Mənim kəndim, mənim məkanım" adlı ilk kitabı Qubanın tarixi, adət-ənənələrinə həsr olunub
"Azərbaycanın tarixi xalçaları" adlı ikinci kitabında dahi rəssamlarımızın kitablarından istifadə edərək, dünya muzeylərində qorunub saxlanan Azərbaycan xalçalarında həm də Azərbaycan xalqının zəngin tarixi keçmişinin yaşamasını subut edir.
Hazırda növbəti 3-cü kitabı üzərində çalışır.
Biz də fürsətdən istifadə edərək, Redaksiya Heyətimiz adından çox hörmətli Mehriban xanımı yeni vəzifəyə təyin olunması münasibətilə ürəkdən təbrik edir, ona uzun ömür, möhkəm cansağlığı və yeni-yeni yaradıcılıq uğurları arzulayırıq!..

MÜŞFİQ BORÇALI,
ZiM.Az