Xəbərlər
31.07.2026, 22:28
Xəlil Mirzə : Sadəcə, qələmim yazmağındadır - FOTO
Təbiət möcüzə yaratmağında,
İnsan yarananı yozmağındadır.
Tanrı işlərinə dəlalət edib,
Onun düzümünü pozmağındadır.
Möcüzə yaratmaq Tanrının işi,
İnsan nəfsi ilə pozur gərdişi.
Onun hər əməli, hər naşı işi
Təbiət bağrını qazmağındadır.
Əl boşa çıxanda duruxur insan,
Süstləşir, koralır, karıxır insan.
Möcüzə eşqiylə darıxır insan,
Bəlkə, bu, yolunu azmağındadır?!..
Torpağın başına min əməl açır,
Min arzuya düşür, min amal açır.
Tanrıya ağ olur, ona əl açır,
Tanrı möcüzəsi, dözməyindədir.
Möcüzəli həyat qismətim deyil,
Xəlil çox acizdir, ya mətin deyil?
Möcüzə aramaq adətim deyil,
Sadəcə, qələmim yazmağındadır.
Son xəbərlər
Ən çox oxunanlar
- Bu gün
- Bu həftə
- Bu ay
