Yusif Nəğməkar : DOĞUŞ FƏLSƏFƏSİ

Xəbərlər

29.08.2025, 20:24

Yusif Nəğməkar : DOĞUŞ FƏLSƏFƏSİ - FOTO

DOĞUŞ FƏLSƏFƏSİ

(Sübh çağı Günəşin doğuşunu seyr etməyimdən yarandı bu misralar)

HALİM YAR yar anandır ki,
Cəm olub, cəmsiz doğulur.
O hansı yaranandır ki,
Dərdsiz, ələmsiz doğulur?!.

Doğuş -- aləmin ilk sirri,
Həyat -- doğuşun tək sirri,
Elm -- varlığın iksiri,
Yoxluq helmsiz doğulur.

Sözlər fikrin düş -- bişidir;
Qəlbin qulağı eşidir.
Yazı Tanrının işidir,
Tale qələmsiz doğulur...

Hər yük çəkən kiriş deyil,
Hər qapı da giriş deyil...
Könül alış-veriş deyil,
Sevgi sələmsiz doğulur.

Susdurmaz sədəf tarı da,
Dil açar hədəfdarı da...
Cəm cahilin rəftarı da
Qaba, həlimsiz doğulur...

Dağların dayağı düzdür,
Gecəyə müjdə gündüzdür,
Gözlərin gördüyü üzdür,
Batin məlumsuz doğulur.

Ay -- nur ələyi, ələnir;
Zülmətin bağrı dəlinir,
Yerlər min yerə bölünür,
Göylər bölümsüz doğulur.

Tül yaşınmaq həyadandır,
Kül aşınmaq boyadandır,
İlhamla təb mayadandır,
Zəka bilimsiz doğulur.

Xof yarası canda göz-göz,
Bağrı yandıracaq köz-köz...
Divara dəyib-düşən söz
Xımdan çəlimsiz doğulur.

Nə ərkandır, nə ərxandır,
Ruh halına nə sarxandır...
Həyat dönəri çarxındır,
Ölüm ölümsüz doğulur...

29.08.2025.