Azərbaycanın taleyini dəyişən Milli Qurtuluş Günü - ŞƏRH

 
Xalqımızın taleyində əhəmiyyət daşıyan günlər kifayət qədərdir. Belə günlərdən ən önəmlisi tariximizə qızıl hərflərlə yazılmış 15 İyun – Milli Qurtuluş Günüdür.

Azərbaycan xalqı üçün bu gün sadəcə təqvim bayramı deyil, böyük ictimai, siyasi və tarixi əhəmiyyətə malikdir. Bu tarixi bizlərə yaşadan isə Azərbaycanın müstəqilliyinin qorunub saxlanmasında, möhkəmlənməsində, inkişafında müstəsna rol oynayan, daim xalqına arxalanan Ulu Öndər Heydər Əliyevdir.

Düz 31 il əvvəl Ulu Öndər Heydər Əliyev hakimiyyətə qayıdaraq Azərbaycan xalqını, dövlətini və millətini parçalanmadan xilas etdi. Azərbaycan xalqının tələbi ilə ikinci dəfə hakimiyyətə qayıdan Heydər Əliyev Ali Sovetin sədri seçilməsi ilə uzun illər davam edən gərginlik və qarşıdurma səngiyib və ölkə vətəndaş müharibəsi və parçalanma təhlükəsindən xilas olub. Bu gün əminliklə deyə bilərik ki, həmin vaxt Azərbaycan dövlətçiliyi yox olmaq təhlükəsindən qurtulub.

Əgər müstəqilliyi qazanmaq ilkin şərt idisə, ikinci vacib məsələ suverenliyi qoruyub inkişaf etdirmək idi və bu, Ümummilli Liderin iradəsi sayəsində reallığa çevrildi. Məhz Heydər Əliyev Milli Azərbaycan dövlətçiliyi konsepsiyasını yaratdı. Bütün maneələrə baxmayaraq, ən qısa müddətdə ölkədə ictimai-siyasi sabitlik bərpa olundu.

Ulu Öndərin xalq və dövlətçiliyimiz qarşısında olan ən böyük xidməti

Sözsüz ki, Ulu Öndər Heydər Əliyevin Azərbaycan xalqı və Azərbaycan dövlətçiliyi qarşısında olan ən böyük xidməti bu dahi şəxsiyyətin məhz xilaskarlıq missiyası ilə bağlıdır. Çünki bu missiya yerinə yetirilmədən bu gün nə müstəqil Azərbaycan mövcud olmazdı, nə də hər hansı bir inkişafdan söhbət gedə bilməzdi. Bu gün Azərbaycan öz şanlı tarixinin ən şərəfli dövrünü yaşayır, Ölkə Prezidenti cənab İlham Əliyevin rəhbərliyi ilə bu tarixin ən önəmli səhifələrini yazır. Lakin Azərbaycan tarixində təəssüf doğuran, nisbətən az müddət davam etməsinə rəğmən ölkənin inkişafını illərcə geri salan dövrlər də olub. Eynilə ötən əsrin sonlarında yeni bərpa olunmuş müstəqilliyimizin ilk iki ili Azərbaycanın müasir tarixində hərc-mərclik, özbaşınalıq, xaos dövrü kimi xatırlanır. Həmin dövrdə respublikaya rəhbərlik edən şəxslər baş vermiş proseslərdən düzgün nəticə çıxara bilmirdilər.

Azərbaycan torpaqlarının Ermənistan silahlı qüvvələri tərəfindən davamlı işğalı, getdikcə gərginləşən siyasi vəziyyət, əhalinin gündən-günə ağırlaşan sosial durumu ölkəni bu bəlalardan xilas edə biləcək, xalqı öz arxasınca aparmağa qadir olacaq liderə ehtiyac olduğunu şərtləndirirdi. Cəmiyyətin bütün təbəqələri əmin idi ki, müstəqilliyini yenicə bərpa etmiş ölkəni düşdüyü ağır və dözülməz vəziyyətdən çıxarmağa qadir olan yeganə şəxsiyyət məhz Heydər Əliyevdir. Xalqımız Heydər Əliyevin ətrafında sıx birləşməklə öz gələcək taleyini özü həll etmək niyyətində idi.
Azərbaycanın taleyini dəyişən Milli Qurtuluş Günü - ŞƏRH

Beləliklə, 1993-cü il iyunun 9-da Ulu Öndər Heydər Əliyev xalqın çağırışına səs verərək Bakıya qayıtdı və Azərbaycan Xalq Cümhuriyyətinin taleyindən daha dəhşətli hadisələrin gözlənildiyi ölkəmizi bəlalardan, müsibətlərdən xilas etdi. Həmin gün, sözün həqiqi mənasında, ölkəmizin taleyində dönüş anı oldu, böyük qurtuluşa doğru mühüm addım atıldı. Xalqımızı nicata aparan yol bilavasitə həmin gündən başlandı. İyunun 15-də Heydər Əliyev Azərbaycan Ali Sovetinin sədri seçildi və böyük risklərə baxmayaraq, xalqın qurtuluşu missiyasını cəsarətlə öz üzərinə götürdü. Heydər Əliyev dühası Azərbaycan tarixində həm də xilaskar və qurucu lider statusunda yer almış yeganə şəxsiyyətdir.

Ümummilli Lider qısa zamanda qiyamçı dəstələrin zərərsizləşdirilməsinə nail oldu. Hakimiyyət boşluğunu aradan qaldırdı, ictimai-siyasi sabitliyin, qanunçuluğun gücləndirilməsi istiqamətində real addımlar atdı. Qanunsuz silahlı birləşmələri tez bir zamanda aradan qaldıran Ulu Öndər eyni zamanda cəmiyyətdə milli həmrəyliyin əldə olunmasına, sabitliyin möhkəmləndirilməsinə, iqtisadi tənəzzülün qarşısının alınmasına yönəlmiş ardıcıl tədbirlər həyata keçirdi. Məhz bu xilaskar missiyanın nəticəsi kimi Azərbaycan xalqı 1993-cü ilin oktyabrında Ulu Öndər Heydər Əliyevə etimad göstərərək onu Ölkə Prezidenti seçdi. Ümummilli Lider Azərbaycana rəhbərlik etdiyi 1993-2003-cü illərdə də xilaskarlıq və quruculuq missiyası ilə xalqının yeganə ümid, nicat yeri oldu.
Azərbaycanın taleyini dəyişən Milli Qurtuluş Günü - ŞƏRH

İslahatların əsasının qoyulduğu gün

Ulu öndər Heydər Əliyevin həyata keçirdiyi təxirəsalınmaz sosial-iqtisadi, siyasi və mənəvi tədbirlərin nəticəsi kimi, bir tərəfdən Milli Ordunun formalaşdırılması, Azərbaycanın milli mənafelərini qorumağa qadir olan nizami silahlı qüvvələrin yaradılması, torpaqlarımızın müdafiə olunması ilə bağlı mühüm addımlar atılmağa başlandı, digər tərəfdən, bütün siyasi və diplomatik vasitələrin işə salınması ilə 1994-cü ilin may ayında həyati əhəmiyyət kəsb edən atəşkəs əldə edildi.

Atəşkəsin həyati əhəmiyyəti onda idi ki, məhz bu müqavilədən sonra ölkəmizin dünya birliyinə inteqrasiyası sürətləndi, öz iqtisadi potensialından səmərəli istifadə edərək dünya bazarına daxil olmağa şərait yaradan beynəlxalq müqavilələr, razılaşmalar və s. əldə edildi. Ölkə daxilində yaranmış nisbi sabitlikdən, həmçinin beynəlxalq aləmdə Azərbaycana münasibətdə artan inam və maraqdan istifadə edərək 1994-cü ilin sentyabrında “Əsrin müqaviləsi”nin imzalanması və onun gerçəkləşdirilməsi də məhz Heydər Əliyev tərəfindən işlənib hazırlanan və müstəqil Azərbaycanın iqtisadi inkişaf konsepsiyasının əsasını təşkil edən neft strategiyasının həyata keçirilməsinin parlaq təzahürüdür. Heydər Əliyevin rəhbərliyi ilə respublikamız qədim İpək Yolunun bərpası, Bakı-Tbilisi-Ceyhan, Bakı-Tbilisi-Ərzurum neft və qaz xətlərinin çəkilişi kimi qlobal layihələrin fəal iştirakçısına və təşəbbüskarına çevrildi.

Həyatın bütün sahələrində tərəqqi və dirçəliş baş verdi. Heydər Əliyev dühasının xidmətləri olan bu nailiyyətlər Azərbaycanı məhv olmaqdan qurtardı, müstəqilliyimizi daimi, əbədi, sarsılmaz, dönməz etdi. Bütün bunlar 1993-cü il 15 iyun tarixinin nailiyyətləridir. Heydər Əliyevin xalqımız və tariximiz qarşısında ən böyük xidmətləri kəskin geosiyasi ziddiyyətlərin mövcud olduğu bir şəraitdə Azərbaycan dövlətçiliyini xilas etməsində, ölkəmizi parçalanıb yox olmaq təhlükəsindən qurtarmasında idi. Dövlətimizin qorunub saxlanması isə azadlığımızın, müstəqilliyimizin qorunub saxlanması, qurtuluş deməkdir.
Azərbaycanın taleyini dəyişən Milli Qurtuluş Günü - ŞƏRH

Heydər Əliyevin arzusu - bütöv Azərbaycan

Bir mühüm məsələ də ondan ibarətdir ki, artıq dörd ildir ki, Milli Qurtuluş Günü düşmən əsarətindən qurtulan, azad olan torpaqlarda da qeyd olunur. Hazırda Silahlı Qüvvələrin Ali Baş Komandanı, Prezident İlham Əliyev tərəfindən davam etdirilən siyasət nəticəsində Azərbaycanın ərazi bütövlüyü bərpa olunub. Ata vəsiyyətini layiqincə yerinə yetirən Prezident İlham Əliyevin rəhbərliyi altında rəşadətli Azərbaycan Ordusu Ermənistan silahlı qüvvələrinin işğal altında saxladığı əzəli və əbədi torpaqlarımızı azad edib. Bununla da Azərbaycan dövləti Müzəffər Ali Baş Komandanın rəhbərliyi ilə BMT-nin qətnamələrini döyüş meydanında təkbaşına icra edib. Beləliklə, 30 ilə yaxın müddət ərzində düşmənin işğalda saxladığı Azərbaycan torpaqları əsarətdən qurtulub. Düşmən əsarətindən qurtulan Azərbaycan torpaqlarında yenidənqurma və bərpa işləri sürətlə davam etdirilir.

Sonda qeyd edək ki, bugünkü Azərbaycan Ulu Öndərin görmək istədiyi azad, müstəqil, ərazi bütövlüyü təmin olunmuş qüdrətli ölkədir. Heç bir şübhə yoxdur ki, Prezident İlham Əliyevin rəhbərliyi ilə xalqımız bundan sonra daha uca zirvələr fəth edəcək, Qarabağ dünyanın ən gözəl guşələrindən birinə çevriləcək.(Report)

Son xəbərlər

Harris seçkilərdə namizədliyini irəli sürmək niyyətində olduğunu açıqlayıb

Tramp: ABŞ Bayden administrasiyasına görə çox əziyyət çəkdi

Azərbaycanda milli mətbuatın yaranmasından 149 il ötür - FOTO

Peskov: Bizim üçün ABŞ-dakı prezident seçkiləri önəm daşımır

Zelenski Rusiya ilə danışıqlara razılıq verdi

"Ermənistanın təxribatları onun üçün yaxşı heç nə vəd etmir" - Azərbaycan XİN

ABŞ prezident seçkilərində Baydeni kim əvəz edə bilər? - Siyahı

ABŞ Nümayəndələr Palatasının spikeri Baydeni istefa verməyə səsləyib

Qırmızı səviyyəli maqnit qasırğası Yeri bürüdü – Təhlükə barədə XƏBƏRDARLIQ

Bayden seçkilərdə ABŞ-ın vitse-prezidenti Kamala Harrisin namizədliyini dəstəkləyib

Məhkəmə-Hüquq Şurasının Aparat rəhbəri: Respublikada 186 vakant hakim ştatı var

Antalya hava limanı yeni rekorda imza atıb

İstanbulda meşə yanğını, Türkiyənin müvafiq qurumları səfərbər edilib

Dördüncü “Yüksəliş” müsabiqəsinin final mərhələsi yekunlaşıb

Sorğu: Trampın reytinqi sui-qəsd cəhdindən sonra yüksəlib

Qazaxıstanda "An-2" təyyarəsi qəzaya uğrayıb

Azərbaycan Ermənistanı COP29-a dəvət edib

Prezident İlham Əliyev Milli Mətbuat Günü münasibətilə paylaşım edib

Nikaraqua Prezidenti: NATO başa düşməlidir ki, Ukraynada qalib gəlməyəcək

Yunanıstanda bir gündə 45 meşə yanğını baş verib

Boliviya-Çili sərhədi yaxınlığında ağır yol qəzasında 16 nəfər ölüb

Fransa 4 340 nəfərə olimpiadada iştirak etməyə qadağa qoyub

“Microsoft”dakı nasazlıq “Windows”la işləyən 8,5 milyon cihaza təsir edib

Netanyahu: İsrail istənilən vasitə ilə özünü müdafiə edəcək

"Olimpiya atəşkəsi simvolik aktdır"

Prezidentin forum iştirakçıları ilə səmimi - Fotoları

Misir Yəmənə endirilən zərbələrdən narahatdır

Baydenin həkimi Amerika liderinin vəziyyətinin yaxşılaşdığını bildirib

Bütün xəbərlər
«    İyul 2024    »
BeÇaÇCaCŞB
1234567
891011121314
15161718192021
22232425262728
293031