“Crocus City Hall”ın qarderobunda işləyən məktəbli oğlan binadan 100-dən artıq insanın sağ-salamat çıxmasını təmin edib.

AZƏRTAC “Gazeta.ru”-ya istinadla xəbər verir ki, gənc qəhrəmanın adı İslamdır, onun 15 yaşı var. Məktəblinin sözlərinə görə, o, işə başlamazdan əvvəl fövqəladə hallar zamanı yerinə yetiriləcək tədbirlərlə bağlı təlim keçdiyinə görə, terror aktı zamanı təlimatda göstərilən qaydalara dəqiqliklə əməl edib.

İslam qorxu və həyəcan içində olan insan kütləsini dar keçiddən “Ekspo” pavilyonunun ərazisinə ötürüb, daha sonra isə xidməti otaqdan keçirərək, təhlükənin olmadığı küçəyə çıxarıb.

Qeyd edək ki, martın 22-də Moskvadakı “Crocus City Hall”da törədilən terror aktı nəticəsində ölənlərin sayı 133 nəfərə çatıb.