Rumıniyanın paytaxtı Buxarestə keçirilən Avropa çempionatında uğurlu nəticə qazanan Azərbaycanın yunan-Roma güləşçiləri fevralın 15-də Vətənə qayıdıblar.

Turaztv.az AZƏRTAC-a istinadən xəbər verir ki, Heydər Əliyev Hava Limanında baş tutan qarşılanma mərasimində idmançıların ailə üzvləri, yaxınları və federasiya nümayəndələri iştirak ediblər.

Qeyd edək ki, Azərbaycanın yunan-Roma güləşçiləri Avropa çempionatını 6 medalla başa vurublar. Nihad Məmmədli (60 kiloqram), Murad Məmmədov (63 kiloqram) və Həsrət Cəfərov (67 kiloqram) qızıl, Rəşad Məmmədov (55 kiloqram), Ülvü Qənizadə (72 kiloqram) gümüş, Beka Kandelaki (130 kiloqram) isə bürünc medalın sahibi olublar. Yığma bu göstərici ilə Avropa çempionatında komanda hesabında ikinci yeri tutub.