Yalovanın Çinarcık rayonunda ötən il evinin pəncərəsindən yıxılaraq dünyasını dəyişən "Güllü" kimi tanınan sənətçi Gül Tutun ölümü ilə bağlı istintaq başa çatıb.

"Turaztv.az" "Unikal"-a istinadən xəbər verir ki, ifaçını öldürmək şübhəsi ilə saxlanılan Tuğyan Ülkem Gülterə ömürlük həbs cəzası verilib.

Qərarı eşidən Tuğberk Yağız Gülter (müğənninin oğlu) göz yaşlarını saxlaya bilməyib.

Hökmdən əvvəl danışmaq imkanı verilən cavabdeh, ona qarşı irəli sürülən ittihamları qəbul etmədiyini bildirib. O, hadisə günü yanında olan rəfiqəsi Sultanın ona böhtan atdığını deyib.