Xəlifə Haftarın rəhbərlik etdiyi Liviya Milli Ordusu (LMO) Rusiya və Türkiyənin Liviyada atəşkəs yaratmaqla bağlı təşəbbüsünü alqışlayır, ancaq bununla belə, Tripoli uğrunda döyüşləri davam etdirəcək.

Bizimyol.info xəbər verir ki, bu barədə Liviya Silahlı Qüvvələrinin rəsmi nümayəndəsi general Əhməd əl-Mismari bildirib.

“LMO komandanlığı dost dövlətin rəhbəri, Rusiya Prezidenti Vladimir Putinin sülh yaratmaq istiqamətində təşəbbüsünü alqışlayır və bəyan edir ki, silahlı qüvvələrin terror qruplaşmalarına qarşı müharibədəki səyləri davam edəcək”, - deyə açıqlamada qeyd olunur.

Qeyd edək ki, çərşənbə günü İstanbuldakı görüşdən sonra Rusiya və Türkiyə prezidentləri - Vladimir Putinlə və Rəcəb Tayyib Ərdoğan Liviya münaqişəsinin bütün tərəflərini yanvarın 12-də gecə yarısından döyüş hərəkətlərini dayandırmağa çağırıblar.