SÜBHAN KAMALOĞLU:SÜBHAN,NƏ ANLAYAR QEYRİLƏR SƏNİ?

Xəbərlər

26.10.2023, 01:12

SÜBHAN KAMALOĞLU:SÜBHAN,NƏ ANLAYAR QEYRİLƏR SƏNİ? - FOTO

SÜBHAN,NƏ ANLAYAR QEYRİLƏR SƏNİ?

Zəhmətlə saldığın bağın, bağçanın,
Əl atıb barını dərəsən gərək.
Hər yetən adama dost demək olmaz,
Sınayıb,vəfasın görəsən gərək.

Acılı-şirinli badə içincə,
Ağı-qarasından baxıb seçincə.
Namərdə sirr verib,könül açınca,
Dinməyib,lal kimi durasan gərək.

Günahlar içində batana kimi,
Yaltaqlanıb,başa çatana kimi.
Özgə sarayında yatana kimi,
Öz kasıb komanı qurasan gərək.

Səhrada sürünən tanımaz çəni,
Düzsən, nə biləcək əyrilər səni,
Sübhan,nə anlayır qeyrilər səni?
Özünü özündən sorasan gərək.

GƏRƏK

Yerini bilməyən naxələf kəsi,
Göstərib,yerinə qoyasan gərək.
Başa çıxartdığın baş bəlasının
Başının dərisin soyasan gərək.

Nə qədər öyüd ver,kar etməz ona,
Sifətin dəyişib girər min dona.
Qohumlar əlindən gəlibdir cana,
Dilin kəsib,duza qoyasan gərək.

Çatmır beləsinin belində palan,
Nəfəsi də yalan, sözü də yalan.
Eldə ad çıxarıb – “adam aldadan”,
Tutub dizlərinə döyəsən gərək.

Diqqətlə qulaq as,Sübhan söyləsin,
Naxələfə qohum-qardaş neyləsin?
Bircə yolu qalır, belə bir kəsin
Qəddini qınında əyəsən gərək.