Turizm mövsümünün davam etdiyi Antalyada hava nəqliyyatında da sıxlıq müşahidə olunur.

Antalya valisi Ersin Yazıcı sosial media hesabında hava limanında olan təyyarə və sərnişinlərin sayını paylaşıb.

Bu həftə hava limanının iki rekordu qırdığını bildirən Yazıcı, aeroportdan 127-si daxili, 1063-ü beynəlxalq aviareys olmaqla, 1190 təyyarənin enib-qalxdığını bildirib.
O, həmçinin hava limanının günlük ən yüksək sərnişin sayına çatdığını da qeyd edib. Yazıcının sözlərinə görə, aeroport 214 min 919 sərnişinə xidmət göstərib ki, onlardan 20 min 795-i daxili, 194 min 124-ü isə beynəlxalq aviareyslərin sərnişinləri olub.