Turaztv.az xəbər verir:Tədbirdə şəhidin valideynləri, kənd sakinləri, Şamaxı rayon icra hakimiyyətinin nümayəndələri və qonaqlar iştirak ediblər. Tədbirdə çıxış edən natiqlər şəhid Müşfiq Mecidovun döyüş yolundan və qəhrəmanlıqlarından danışıblar. Bədii hissədə Göylər məktəbliləri şəhidə həsr olunmuş şeirlər səsləndiriliblər.
Qısa arayış;
Müşfiq Bayram oğlu Mecidov 1997-ci il martın 8-də Şamaxı rayonunun Göylər kəndində anadan olub. 2003-2014-cü illərdə T.Kərimov adına 2 saylı Göylər kənd tam orta məktəbində təhsil alıb.
Müşfiq Mecidov 2015-ci ildə həqiqi hərbi xidmətə çağırılıb, 2015-2016-cı illərdə Azərbaycan Silahlı Qüvvələrinin Ağdam rayonunda yerləşən “N” saylı hərbi hissəsində xidmət edib. 2016-cı ilin aprelində baş tutan döyüşlərdə kəşfiyyatçı kimi iştirak edib. Müşfiq Mecidov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Ağdərə və Suqovuşanın azadlığı uğrunda gedən döyüşlərdə iştirak edib. Müşfiq oktyabrın 8-də Ağdərə döyüşləri zamanı şəhid olub. Şəhidimiz doğma Göylər kəndində torpağa tapşırılıb.
Azərbaycan Prezidentinin 15.12.2020-ci il tarixli Sərəncamına əsasən Müşfiq Bayram oğlu Mecidov ölümündən sonra "Vətən uğrunda" medalı ilə təltif edilib.
Ruhun qarşısında baş əyirik!!!