"Turaztv.az" xəbər verir ki, bu barədə T. Kazımov özünün "Twitter" hesabında yazıb.

"12-18 oktyabr tarixlərində Dünya Bankı və Beynəlxalq Valyuta Fondunun (IMF) Vaşinqtonda keçiriləcək illik toplantılarında iştirak etmək üçün ABŞ-a işgüzar səfərə yola düşdük. Səfər çərçivəsində bir sıra tədbir və görüşlərdə keçiriləcək", - o qeyd edib.

Qeyd edək ki, Azərbaycan 1992-ci ildən Dünya Bankının üzvüdür. Bank Azərbaycanda bir çox milli inkişaf prioritetlərini - insan kapitalının inkişafı, infrastruktura, ictimai xidmətlərə və iş yerlərinə çıxışın genişləndirilməsi, kənd təsərrüfatının rəqabət qabiliyyətinə və kənd yerlərinin inkişafına sərmayə qoyulması, məcburi köçkünlərə dəstəyi və s. əhatə edən və ümumi dəyəri 4,4 milyard ABŞ dollarından artıq olan 50-dən çox layihəni maliyyələşdirib.

Azərbaycan 1992-ci ilin 18 sentyabr tarixindən IMF-in üzvüdür. 1995-2005-ci illər ərzində iqtisadi islahatlar proqramının icrası üçün IMF hökumətə bütövlükdə 577,3 milyon ABŞ dolları məbləğində kreditlər ayırıb.