ABŞ prezidenti Donald Tramp NATO-nu öz "oyuncaq ordu"suna çevirib.
Bizimyol.info xəbər verir ki, bu sözləri alman nəşri "Welt am Sonntag" yazıb.

Belə ki, almaniyalı tarixçi Mixael Ştyurmer NATO-nun bir daha "Soyuq Müharibə" zamanlarında olduğu kimi olmayacağını qeyd edib: "Putin Suriyada "müharibəsiz" qalib gəlir. Həmçinin, o, Trampın əmrindən sonra Suriyanı tərk edən Amerika qoşunu geri qayıdarkən əks istiqamətə hərəkət edən Rusiya ordusunu görüb".

"Putin bütün dünya liderlərinin əsrlərlə arzuladığı qələbəni, yəni "mübarizəsiz qələbə"ni qazanıb. Putin Baltika və Qara dəniz ərazilərinin iqtisadi-siyasi vəziyyətinin "çertyoju"nu çıxarıb və artıq Trampın Suriyayla bağlı əmrindən sonra nə Amerika, nə Çin, nə də NATO Putinin bu "Böyük oyunu"nun gedişatına və qurulan Avrasiya "təhlükəsiz zonası"na maneə ola bilməz. Halbuki, hər kəs Rusiyanın 1989-1990-cu illərdə bu oyunu uduzduğunu düşündü. İllər sonra vəziyyət dəyişdi..."

Qeyd edək ki, tarixçi sonda NATO ölkələrinə, xüsusən də Berlinə müraciət edərək, onlardan sonunda vəziyyətin ciddiliyini anlamalarını istəyib.