YAP Yevlax rayon təşkilatı çoxşaxəli fəaliyyəti ilə rayon əhalisinin sevgisini və etimadını qazanıb. Rayon təşkilatında bütün vətəndaşlara əsasən də şəhid ailələrinə, qazilərə və müharibə iştirakçılarına xüsusi diqqət yetirilir, onları narahat edən məsələlərin həlli istiqamətində müəyyən addımlar atılır, partiya layiqincə təmsil edilir. Bununla yanaşı rayon təşkilatının sədri Rafiq Əliyevin rəhbərliyi ilə gənclərin maarifləndirilməsi, milli-vətənpərvərlik ruhunda yetişdirilməsi üçün müxtəlif tədbirlər həyata keçirilir. Eyni zamanda böyük düha, uzaqgörən siyasətçi, Ulu öndər Heydər Əliyevin irsi geniş təbliğ edilərək gənclərə ümumilli liderimizin yolu ilə getmək tövsiyə olunur.
Bütün görülən işlər müsbət nəticələrin əldə edilməsinə imkan yaradır. Rayon təşkilatının rəhbərliyi və əməkdaşlarının birgə fəaliyyəti ilə gənclərin aktivliyinin, ictimai-siyasi fəallığının artırılması üçün onları həvəsləndirən addımlar atılır. Buna nümunə kimi bu günki tədbiri misal göstərmək olar.
Bu gün YAP Yevlax rayon təşkilatının fəal üzvü, MDU-nun məzunu, AƏSMA-nın magistrantı Əlirza Abdullayevin doğum günü münasibətilə rayon təşkilatının sədri Rafiq Əliyevin təşəbbüsü ilə gəncin doğum günü YAP Yevlax rayon təşkilatının inzibati binasında qeyd edilmiş və sədr tərəfindən fəal gəncə Fəxri Fərman təqdim edilmişdir.
Rayon təşkilatının sədri Rafiq Əliyev daim gənclərə mənvi dəyərləri üstün tutmalarını, mənəvi dəyərlərin maddi dəyərlərdən üstün olduğunu təbliğ edərək gənclərdə yüksək insani keyfiyyətlərin formalaşmasına əsaslı zəmin yaradır.
Mən YAP Yevlax rayon təşkilatının fəaliyyətini dəstəkləyir və gələcəkdə böyük uğurlara imza atmağını arzu edirəm. Əminəm ki, rayon təşkilatının rəhbərliyinin və əməkdaşlarının keçirdikləri və keçirəcəkləri tədbirlər, layihələr və.s rayon əhalisinin daim diqqət mərkəzində olacaq, onlara müsbət təsir edəcək və gənclərin sağlam ruhlu yetişməsinə imkan yaradacaq!

Anar Salehoğlu