Şahmat üzrə Çempionlar turu çərçivəsində “FTX Road to Miami” turnirinin ilkin mərhələsi davam edir.

Turaztv.az AZƏRTAC-a istinadən xəbər verir, yarışda Azərbaycanı qrosmeyster Şəhriyar Məmmədyarov təmsil edir. Bu gün şahmatçılar 9-10-11-12-ci turun oyunlarında iştirak edirlər. Dairəvi sistem üzrə keçirilən yarışda 16 iştirakçı pley-offda çıxış edəcək səkkiz nəfəri müəyyənləşdirəcək.

Şəhriyar Məmmədyarov 13 xalla 8 turdan sonra 5-ci sırada qərarlaşıb.

Qeyd edək ki, komandamızın digər üzvü Teymur Rəcəbov yarışa qatılsa da, beşinci turdan sonra səhhətinə görə turniri tərk edib.