Xəbərlər
31.03.2022, 00:24
QARAÇI QIZI
QARAÇI QIZI
Gəl açma falımı qaraçı qızı,
Yoxdur ki, mənimlə qərəzin, kinin?
Ovcumun içinə yazılan yazı,
Qaynar gözlərində əks edir sənin.
Bəxtim ürəyimtək gözə görünməz,
Bükmə taleyimi ağ yalanlara.
Dediyin səadət bizə görünməz,
Gülmə taleyinə ağlayanlara.
Çoxdan bu inamım gücündən düşüb,
Mənə nəğmə oxu, - bir təsəlli pay.
Köçəri quşların köçündən düşüb,
Qaraçı nəğməsi, bu qərib haray.
Oxu həzin-həzin, oxu kövrəlim,
Duyum həsrətini vətənsizlərin.
Oxu, qaraçı qız, inama gəlim,
Min sirr açarıdır nəmli gözlərin.
Ovcumun qəribə xəritəsindən,
Özünə yurd yeri soraqlayırsan?
Baxıb müəmmalı cizgilərə sən,
O qan yaddaşını varaqlayırsan.
Beləcə sovuşub neçə qış-bahar,
Kimdir öz ovcunda sənə yer verən?
Çoxları sözündən həqiqət umar,
Aldada-aldada aldanan da sən...
Kainat boydadır vətənin – qəlbin,
Ömürlük təsəllin nəğmələrindir.
Yalançı falların yeganə eybin,
Bəlkə də yeganə ümid yerindir.
Bu boyda dünyada qərib xalqının,
Oxu ən kədərli nəğmələrini.
Köçəri quşlara qaynayan qanın,
Sənə nişan verər əzəl yerini.
Demirəm oxşardır talelərimiz,
Doğmadır həsrətin, amma nə danım.
Tonqal başındakı görüş yerimiz,
Mənim Vətənimdir, odlar məkanım.
Bəxtim, taleyimdir gördüyün bu yurd,
Əyil bu torpaqdan bir ovuc götür.
Ulu babaların səsini eşir: -
Yurdu itənlərin taleyi itir!
Müzəffər Məzahim
Gəl açma falımı qaraçı qızı,
Yoxdur ki, mənimlə qərəzin, kinin?
Ovcumun içinə yazılan yazı,
Qaynar gözlərində əks edir sənin.
Bəxtim ürəyimtək gözə görünməz,
Bükmə taleyimi ağ yalanlara.
Dediyin səadət bizə görünməz,
Gülmə taleyinə ağlayanlara.
Çoxdan bu inamım gücündən düşüb,
Mənə nəğmə oxu, - bir təsəlli pay.
Köçəri quşların köçündən düşüb,
Qaraçı nəğməsi, bu qərib haray.
Oxu həzin-həzin, oxu kövrəlim,
Duyum həsrətini vətənsizlərin.
Oxu, qaraçı qız, inama gəlim,
Min sirr açarıdır nəmli gözlərin.
Ovcumun qəribə xəritəsindən,
Özünə yurd yeri soraqlayırsan?
Baxıb müəmmalı cizgilərə sən,
O qan yaddaşını varaqlayırsan.
Beləcə sovuşub neçə qış-bahar,
Kimdir öz ovcunda sənə yer verən?
Çoxları sözündən həqiqət umar,
Aldada-aldada aldanan da sən...
Kainat boydadır vətənin – qəlbin,
Ömürlük təsəllin nəğmələrindir.
Yalançı falların yeganə eybin,
Bəlkə də yeganə ümid yerindir.
Bu boyda dünyada qərib xalqının,
Oxu ən kədərli nəğmələrini.
Köçəri quşlara qaynayan qanın,
Sənə nişan verər əzəl yerini.
Demirəm oxşardır talelərimiz,
Doğmadır həsrətin, amma nə danım.
Tonqal başındakı görüş yerimiz,
Mənim Vətənimdir, odlar məkanım.
Bəxtim, taleyimdir gördüyün bu yurd,
Əyil bu torpaqdan bir ovuc götür.
Ulu babaların səsini eşir: -
Yurdu itənlərin taleyi itir!
Müzəffər Məzahim
Son xəbərlər
Ən çox oxunanlar
- Bu gün
- Bu həftə
- Bu ay
