Məşhur müğənni Gökhan Özen evlənməyə hazırlaşır.

"Turaztv.az" “Qafqazinfo”-ya istinadən xəbər verir ki, bu barədə sənətçi instaqram hesabında paylaşım edib.

46 yaşlı sənətçi uzun müddətdir münasibətdə olduğu sevgilisi Naz Canbazla nişanlanıb. O, gənc qızla əl-ələ tutaraq nişan üzüklərinin göründüyü fotoda bu sözləri yazıb: “Bu sadəcə bir üzük deyil, bir söz, bir ömürdür...”

Paylaşımın ardından cütlüyə çoxsaylı təbrik mesajları ünvanlansa da, onların arasındakı yaş fərqi də müzakirələrə səbəb olub. Belə ki, Canbazın 31 yaşında olduğu və onların arasında 15 yaş fərq olduğu bildirilib.

Qeyd edək ki, G.Özen 2010-cu ildə Selen Sevigenlə ailə həyatı qurub, lakin cütlük 2016-cı ildə boşanıb. Onların bu evlilikdən iki qız övladı var.