Ukraynanın Azərbaycandakı səfirliyi müharibədən əziyyət çəkən ukraynalı qadınlara dəstək məqsədilə xeyriyyə aksiyası keçirir.

Turaztv.az Press.az-a istinadən xəbər verir ki, bununla bağlı səfir Vladislav Kanevski “Twitter” hesabında paylaşım edib.

“Rusiyanın Ukraynaya təcavüzü nəticəsində dinc əhali əziyyət çəkməkdə davam edir. Hər gün Ukrayna şəhərlərinə raket zərbələri endirilir, nəticədə məktəblər, xəstəxanalar, doğum evləri dağıdılır.

Ukraynanın Azərbaycandakı Səfirliyi Rusiyanın işğalından zərərçəkmiş ukraynalı qadınlara dəstək məqsədilə xeyriyyə aksiyası keçirməyə təşəbbüs irəli sürür.

Biz zorakılığa qarşı birləşməliyik. Birləşək və kömək edək!”, – paylaşımda deyilir.