Yenə şəhid verdik.

Yenə şəhidimiz var, yerlər göylər qan ağlar,
Qəm qüssədən analar başına qara bağlar,
Yeddi şəhid tabutu dil deyər, sinə dağlar,
Nə qədər ermənilər bu torpaqda yaşadı,
Analar ürəyində oğul dərdi daşıdı.

Silaha sarılaraq deyiləcək sözümüz,
Şükür ki, təpərlidir, dözümlüdür dizimiz,
Qisas deyir qəlbimiz, qan-qan deyir gözümüz,
Sonadək ürəklərdə qisas hissi olacaq,
Dəmir yumruq hay çəkib qisasını alacaq.

Otuz ildən bu yana dərmansızdır dərdimiz,
Qırx dörd günlük zəfərdə eşidildi səsimiz,
Dağa-daşa həkk oldu qələbə ilə izimiz,
Oğullar torpaqdan, doğma yurddan güc alacaq,
İrəvan torpağında bayrağım ucalacaq.

Şəhla Xəlilqızı.