Xəbər verdiyimiz kimi yoluxanların sayı kəskin artıb. Belə ki, bu gün koronavirus infeksiyasına 714 yeni yoluxma faktı qeydə alınıb, 176 nəfər müalicə olunaraq sağalıb və evə buraxılıb. Ölənlərin sayı isə 7-yə çatıb. Yoluxanların sayının artmaması üçün yenidən SMS icazə sisteminə keçirilə bilərmi?

Bununla bağlı TurazTv.az-a danışan professor Adil Qeybulla bildirib ki, SMS icazənin yenidən tədbiq edilməsi gözləniləndir:

"Karantin rejimi yenidən sərtləşdirilə bilər. Yoluxmaların sayının daha çox artmaması üçün sərt karantin tədbirlərinin görülməsi vacibdir. İnsanların bir-birilə təmasları məhdudlaşdırılmalıdır. Bilirsiniz ki, orta məktəblər və metro bağlanıldı. Bunun özü də karantin rejiminin sərtləşdirilməsidir. Hətta evdə qalmağa qədər karantin rejimi sərtləşdirilə bilər.

İnsanlarımız başa düşməlidir ki, indiki dövrdə karantin davranışılarına əməl etmək və vətəndaş məsuliyyətini ortaya qoymaq vacibdir. Əlbəttə ki, məsuliyyətsiz davrannışlar yoluxmaların sayını 700-ü keçməsinə səbəb oldu. Ən təhlükəli məqam isə bu xəstəliyin ön cəbhəyə keçməsidir. Ona görə də lazım olan bütün tədbirləri görməliyik".