Məhərrəm müəllim 1939-cu ildə Gədəbəy rayonunun dilbər guşələrindən olan Turşsu kəndində anadan olub. 1958-ci ildə Çay Rəsullu kənd orta məktəbini bitirdikdən sonra Sovet Ordusu sıralarında hərbi xidmət keçmiş, daxilindəki elm və bilik işığı onu Bakı Dövlət Universitetinin filologiya fakültəsinə gətirib çıxarmışdır. 1969-cu ildə ali təhsilini başa vuran gənc mütəxəssis, hələ tələbə ikən – 1963-cü ildən etibarən Hacılar kənd orta məktəbində müəllimlik fəaliyyətinə başlamış, ömrünün 29 ilini (1992-ci ilə qədər) bu məktəbə həsr etmişdir. 1992-ci ildən ise Cahangir Rüstəmov adına Çay Rəsullu kənd orta məktəbinə dəyişərək əvvəlcə müəllim, sonra isə tədris işləri üzrə direktor müavini kimi gənc nəslin yetişməsində böyük zəhmət çəkmişdir. Həm Hacılar, həm də Çay Rəsullu kənd məktəblərində silinməz izlər qoyan fədakar pedaqoq yüzlərlə gəncə elmin, irfanın yollarını göstərmişdir.

Məhərrəm müəllim təkcə qara lövhə qarşısında dərs deyən bir pedaqoq deyil, həm də ruhu sözlə, poeziya ilə yoğrulmuş bir sənətkar olub. Yaradıcılığa kiçik yaşlarından başlayan ustadın bu günə qədər oxucuların ixtiyarına verilmiş üç möhtəşəm kitabı işıq üzü görüb: "Bu dünyanın açarıdır məhəbbət" (2011), "Ümid bir çıraqdır" (2013) və "Ömürdən keçən günlər" (2020). Bu gün 87 yaşını qeyd edən müəllimimin zəhmətini heç vaxt unutmaq olmaz. Onun bizim üzərimizdəki tərbiyəvi rolunu, təmənnasız əməyini hər zaman minnətdarlıqla anıram. Elə buna görədir ki, hər ay bir neçə dəfə onunla telefonla əlaqə saxlayır, hal-əhval tutur, o müqəddəs səsdən mənəvi güc alıram. Əlamətdar haldır ki, Məhərrəm müəllim bu müdrik yaşında da ruhdan düşmür, hal-hazırda da yaradıcılıqla fəal şəkildə məşğul olur, yeni-yeni incilər ərsəyə gətirir. Məhərrəm müəllim olduqca vətənpərvər bir insan idi və bu vətənpərvərlik onun hər bir misrasından boylanır.
Onun "Ömürdən keçən günlər" kitabını vərəqləyərkən qarşıma çıxan "Azərbaycan" şeri məni düz 40 il əvvələ, o doğma məktəb illərinə, müəllimimin sinifdə bizə vətən mövzusunu necə böyük coşğu ilə keçdiyi anlara qaytardı. Müəllif bu şerdə doğma yurdun əzəmətini, sönməz ocağını belə vəsf edir:


Bir dil və ədəbiyyat müəllimi üçün ana dilinin müqəddəsliyi hər şeydən ucadır. Məhərrəm müəllim şeirində dilimizə olan sonsuz sevgisini və sadiqliyini vətənin al bayrağı ilə vəhdətdə tərənnüm edir:



Şair Azərbaycanın adını dünyaya yayan Üzeyir dühasını, musiqimizi, muğamımızı və ulu öndərin bu torpaq üçün qoyduğu silinməz izləri bədii dillə çox gözəl ifadə etmişdir:



Məhərrəm müəllimin vətənpərvər qəlbi təkcə torpağın gözəlliyini deyil, həm də onun müstəqillik tarixini, xilaskar liderlərini vəsf etməkdən yorulmur. Onun dövlətçilik tariximizə həsr etdiyi "Heydər yolu" şeiri bu baxımdan olduqca qiymətlidir. Müəllif xalqın ulu öndərə olan inamını və bu yolun işığını poetik dillə belə ifadə edir:



Şair Heydər Əliyev şəxsiyyətini tarixin böyük qəhrəmanları ilə müqayisə edərək, onun ölkəyə gətirdiyi siyasi baharı qürurla qeyd edir:



Vətənpərvərliklə yanaşı, Məhərrəm müəllimin yaradıcılığının çox böyük bir hissəsini məhəbbət mövzulu lirik şeirlər təşkil edir. Təsadüfi deyil ki, onun ilk kitabının adı da məhz "Bu dünyanın açarıdır məhəbbət" adlanır. Onun saf, təmiz və emosional hisslərlə zəngin olan "Eylə" şeiri oxucunun qəlbinə birbaşa yol tapır. Şair öz sevgisini, xalq poeziyası ənənələrinə sadiq qalaraq, olduqca həzin və səmimi bir dillə bəyan edir:



Şairin lirik qəhrəmanı bəzən hicranın acısını çəkir, doğmalar, dostlar və gözəl günlər üçün qəlbinin dərinliklərindən gələn bir intizarla haray çəkir. Müəllif "Darıxmışam" şeirində bu həsrəti həm təbiətin gəlişinə, həm də ülvi hisslərə bağlayaraq belə ifadə edir:



Eşqdə sədaqət bəsləyən ustad sənətkar, vəfasızlıq görəndə dərdini yenə qələmə şikayət edir. "Ay vəfasız, ay vəfasız" və digər lirik qoşmalarında sevgiyə gələn insafsızlığı qınayır, qəlbinin sızıltısını səmimi misralara köçürür:


Sevgilinin vədəsinə xilaf çıxması, aşiqin qəlbinə vurduğu yaralar şair qələmində poetik bir suala çevrilir:



Məhərrəm Bağırovun yaradıcılığı təkcə hisslərin tərənnümü ilə məhdudlaşmır, o, həm də bir ağsaqqal, bir filosof-müəllim kimi cəmiyyətə, insana doğru yol göstərir. Onun "Deyilməsin" qoşması hər bir insan üçün həyat meyarı, ləyaqət dərsləridir:



Şair insanın daxili aləminin təmizliyinə, el gözündəki ucalığına böyük önəm verir. Əgər bir insanda mənəviyyat, bəxt və dürüstlük yoxdursa, zahiri lovğalığın heç bir mənası olmadığını "Nə faydası" şeirində kəskin və düşündürücü misralarla bəyan edir:


Məhərrəm Bağırov kimi ziyalılarımızın ömür yolu hər birimiz üçün bir örnək məktəbidir. Onun "Ömürdən keçən günlər"i təkcə özünün şəxsi həyatı deyil, həm də xalqına, təhsilinə və Azərbaycan ədəbiyyatına bəxş etdiyi işıqlı günlərin salnaməsidir. Bizə qədirbilənliyi, vətəni sevməyi, dilimizi qorumağı və sözün qüdrətinə inanmağı vəsf edən, bu gün də əlində qələm yazıb-yaradan əziz müəllimimə uca Tanrıdan uzun ömür, cansağlığı arzulayıram! Yaxşı ki, varsınız, dəyərli Məhərrəm müəllim!

Hüseyn İsaoğlu, yazıçı - publisist,
AYB - nin və AJB - nin üzvü