Qızbəs Qəbələ.
Yazıçı - publisist
Qoşa Ulduz jurnalının redaktotu.


Uzun illərdir ki, Müşfiq müəllimin yaradıcılığını maraqla izləyir, uğurlarına ürəkdən sevinirəm. O, təkcə istedadlı yazıçı və jurnalist deyil, həm də elmə bağlılığı, yüksək intellekti və milli-mənəvi dəyərlərə sədaqəti ilə seçilən ziyalıdır. Onun yazılarında Vətən sevgisi, milli düşüncə, tarixi yaddaş və mənəvi dəyərlər öz əksini tapır.

Müşfiq Borçalının keçdiyi ömür yolu zəhmətin, əzmkarlığın və sözə sədaqətin yoludur. Filologiya üzrə fəlsəfə doktoru kimi elmi fəaliyyəti, Azərbaycan Texniki Universitetindəki səmərəli işi, mətbuat sahəsindəki uzunillik xidmətləri və qazandığı nüfuz onun zəngin həyat salnaməsinin parlaq səhifələridir. Layiq görüldüyü mükafatlar və yüksək dövlət təltifləri isə bu zəhmətin haqq etdiyi qiymətdir.
Mənim üçün isə Müşfiq müəllimin ən dəyərli cəhəti onun sadəliyi, səmimiyyəti və dostluğa verdiyi qiymətdir. Belə insanlar ətrafına işıq saçır, gənc qələm adamlarına örnək olur, ədəbi mühitin nüfuzunu artırırlar.
İnanıram ki, Müşfiq Borçalı bundan sonra da yeni elmi araşdırmaları, publisistik yazıları və bədii əsərləri ilə Azərbaycan ədəbiyyatına və jurnalistikasına dəyərli töhfələr verməkdə davam edəcək. Çünki onun qələmi yorulmur, sözü isə daim oxucuya yol tapır.
Dəyərli qələm dostumuza yeni yaradıcılıq uğurları, möhkəm cansağlığı və tükənməz ilham arzulayıram. Qələminiz həmişə həqiqətin, milli dəyərlərimizin və insanlığın keşiyində dayansın.