Xəbərlər
16.05.2026, 00:37
Afiq Göyçəli : Peşkəş verməyəsən, sönsə də taqət - FOTO
Pulla alınmaz və ucuz insanlarda olmaz.
Elə bir şeydir ki bu şərəf, qeyrət,
Nə pulla alınmaz, nə də satılmaz.
Hər kəs özü boyda qürur daşıyır,
Mənlik hər tin gəzib zibil atılmaz.
Mal, mülk gəldi-gedər, ad-san qalandır,
Vicdana söykənən, başını əyməz.
Nəfsin qul olmağı pis xasiyyətdir,
Sonradan anlamaq qəpiyə dəyməz.
Var-dövlət çoxunu aldadar bəzən,
İnsan var satılır yetişmiş sözə.
Lakin mərd adamın ucadır başı,
Rəngləri dəyişmir baxanda gözə.
Hamı qoy götürsün, Afiq, payını,
Adam olmaq üçün şərtdir ləyaqət.
Bir ovuc nəyəsə böyüklüyünü
Peşkəş verməyəsən, sönsə də taqət.
Kitabımdan..
Son xəbərlər
Ən çox oxunanlar
- Bu gün
- Bu həftə
- Bu ay
