Xəbərlər
2.05.2026, 11:56
VAQİF VÜQAR : Oxu məni gələcəyin üzündə... - FOTO
Bəxtimiz nə yazıb görəsən sonam,
Bahardan umduğum qaldı gözümdə.
Taleyim bir çiçək qoparasıymış
Eşqimi götürüb qanadlarına,
Üfüqdən -üfüqə aparasıymış.
Qaralan axşamam,ağaran danam
Oxu məni bir çiçəyin üzündə.
Gerçəyini yuxu bilib sən yozdun,
Bu dünyaya səndən keçən yol uzun.
Mən ozandım, sındı sazım ay ozan
Oxu məni bir mələyin üzündə.
Yolumuza daş hərlədi görən kim,
Can evini sökən kimdi,hörən kim.
Məsum quşcuğazım,ağ göyərçinim
Oxu məni bu fələyin üzündə.
Söz istədin,söz gətirdim, söz uman
Yaranışdan mən gümanam,sən güman.
Ümidlərim şahə qalxan bir umman,
Oxu məni gələcəyin üzündə...
Bahardan umduğum qaldı gözümdə.
Taleyim bir çiçək qoparasıymış
Eşqimi götürüb qanadlarına,
Üfüqdən -üfüqə aparasıymış.
Qaralan axşamam,ağaran danam
Oxu məni bir çiçəyin üzündə.
Gerçəyini yuxu bilib sən yozdun,
Bu dünyaya səndən keçən yol uzun.
Mən ozandım, sındı sazım ay ozan
Oxu məni bir mələyin üzündə.
Yolumuza daş hərlədi görən kim,
Can evini sökən kimdi,hörən kim.
Məsum quşcuğazım,ağ göyərçinim
Oxu məni bu fələyin üzündə.
Söz istədin,söz gətirdim, söz uman
Yaranışdan mən gümanam,sən güman.
Ümidlərim şahə qalxan bir umman,
Oxu məni gələcəyin üzündə...
Son xəbərlər
Ən çox oxunanlar
- Bu gün
- Bu həftə
- Bu ay
