"Efirdə səviyyə o qədər aşağı düşüb ki, utanıram gedib orada çıxış etməyə. Təsadüfən elə adamla efirdə olursan ki, maarifləndirici heç nə danışmaq mümkün deyil. Efirdə sənin yerin görünmürsə, sən orada olmamalısan. Özümüzü qorumalıyıq".

"Turaztv.az" "Unikal"-a istinadən xəbər verir ki, bu sözləri Xalq artisti Ağadadaş Ağayev "Öz aramızda" verilişində deyib:

"Efirə çox çıxmaq özü bir yanlışdır. Tamaşaçı intizarda olmalıdır. Əliboş gəlib hər gün efirə çıxmağın nə mənası var? Keçmişdəki kimi hər çıxışımız oxumaqdan ibarət olsaydı, başqa məsələ. Ağıllı adamlar verilişlərə gec-gec çıxır. Oxumayanda çox söz-söhbətlər, dedi-qodular olur. Bu millət öz dəyərləri ilə yaşayır. Bu daimi belə olmayacaq. Sıradan çıxacaq, ələnəcək. Yaxşılar qalacaq, digərləri başqa peşə dalınca qaçacaqlar.

O vaxt efirə çıxırdım, 1 həftə sonra çağıra bilməzdilər. Deyirdim ki, tezdir, gözləmək lazımdır. İndi də o təbiətlə yaşayıram".