Vaqif Hacıağayev (Müşkürvi)


Zabit Rizvanov 1926 – cı ilin yavarın 26 – da Qusar rayonunun İmamqulukənd kəndində dindar ailəsində anadan olmuşdur.
O, orta təhsili doğma kənddəki məktəbdə almış, sonralar isə Quba pedaqoji məktəbdə davam etdirmiş, Bakı Ali Partiya məktəbinin müdavimi olmuşdur.
1944 - 1945 – ci illərdə Böyük Vətən müharibəsində iştirak etmişdir. Sonrakı dövrdə orta məktəbdə müəllim, rayon qəzetində müxbir, kolxoz sədri,Qusarda Xalq yaradıcılığı evində direktor vəzifələrində çalışmışdır.

Z.Rizvanov 1959 – cu ildən “Ürək sözü” adlı ədəbi birliyin yaradıcısı və rəhbəri olmuşdur. Ədəbi fəaliyyəti daha da rövnəqləndirən Zabit Rizvanovun ilk kitabı 1959 - cu ildə Mahaçqala şəhərində çapdan çıxmışdır. Sonrakı dövrdə Bakı, Moskva, Mahaçqala nəşriyyatlarında “Kiçik ulduz”, “Atalar sözləri”, “Şahnabatın səsi”, “Duz – çörək”, “İlham pərisi”,”Peyğəmbərimizin yaşıl bayrağı”,”Külək genişliyi sevir”,”Hacı Davud”, “Samur çayının cənubunda” və başqa kitabları dərc edilmişdir.O, ləzgi xalqına məxsus şifahi xalq yaradıcılığı nümunələrini toplamışdır. Dağıstanın xalq şairi Bayram Səlimovla birlikdə “Şarvili” eposunu toplamış, çapa hazırlamışdır. Eposun motivləri əsasında Dağıstanın lezgi bəstəkarı Məhəmməd Hüseynov “ Şarvili” operasını səhnəyə qoymuşdur.
Zabit Rizvanov Qusarda “beş ilkinə” imza atmışdır: Qusar Xalq yaradıcılığı evi, Qusar Dövlət lezgi dram teatrı,Qusar Tarix muzeyi, lezgi dili tədrisinin bərpası, lezgi ansambllarının meydana gəlməsi.
Zabit Dadaşbala oğlu Rizvanov 1992 – ci ilin noyabr ayının 22 – də vəfat etmişdir.
1993 – cü ildə Qusar rayonundakı İmamqulukənd kəndinin tam orta məktəbi mərhum ədibin şərəfinə adlandırılmışdır.