Şəhid 2001-ci ildə Saatlı şəhər Cəfər Cabbarlı adına 3 saylı tam orta məktəbində təhsil almağa başlamışdır.2010-cu ildə məktəbi əla qiymətlərlə bitirmişdir.

2011-2015-ci illərdə Şirvan Dövlət İqtisadiyyat və Humanitar kollecində İbtidai sinif Müəllimliyi ixtisası üzrə təhsil almışdır.

2015-2017-ci illərdə hərbi xidmətdə olmuşdur. 2016-cı il General-mayor Polad Həşimovun komandınlığı altında Aprel döyuşlərində iştirak etmişdir.'PKM' pulemyot silahı ilə xeyli düşməni məhv edib. Göstərdiyi şücaətə görə komandanlıq tərəfindən Təşəkkürnamə və əlavə məzuniyyətlə təltif olunmuşdur.

2017-ci ildən Saatlı rayon Alı Mustafayev adına Qıraqlı kənd ümumi orta məktəbində ibtidai sinif müəllimi işləmişdir.

2020-ci il Tovuz döyüşləri zamanı könünlülər sırasına ilk yazılanlardan olmuşdur. Vətən müharibəsi başladıqdan 2 gün sonra ordu sıralarına qoşulur. Füzuli, Cəbrayıl,Xocavənd və Şuşa uğrunda gedən döyüşlərdə qəhramancasına döyüşüb. Döyüş zamanı xeyli sayda erməni məhv edib.Şəhid olacağını hiss edən Nahid saatını qolundan açır və bunu qardaşım Yusifə verərsiz deyib döyüşə atılır. Şuşa döyüşlərində göstərdiyi qəhrəmanlığa görə "Şuşanın Qartalı" ləqəbi verilib. 8 Noyabr Şuşa uğrunda gedən döyuşlərdə aldığı qəlpə yarası nəticəsində şəhidlik zirvəsinə ucalmışdır. 10 Noyabr 2020-ci ildə Saatlı şəhərində dəfn olunmuşdur. Ölümündən sonra " Şuşanın azad olunmasına görə" " Vətən uğrunda" " Cəbrayılın azad olunmasına görə" " Füzulinin azad olunmasına görə" " Xocavəndin azad olunmasına görə" " Cəsur döyüşçü" və "Hərbi Xidmətdə Fərqlənməyə görə" medalları ilə təltif olunmuşdur.