Xəbərlər
19.12.2025, 14:26
ZEYNƏB BƏHMƏNLİ : Qocalar evində niyə qalırsan.(ixtisarla) - FOTO
Nə deyim.nə yazım yaraşsın sana?
Övladlar bəxş etdin sən,bu cahana,
Evin,övladların ola-ola sən,
Qocalar evində niyə qalırsan?..
Göz yaşı töküb sən,əzab çəkirsən,
Dərdləri üyüdüb,qəmi əkirsən.
Bəlkə bir övladım,gələr deyirsən?
Dərd,vicdan əzabı çəksin qoy onlar,
Qocalar evinə səni qoyanlar.
Bayram oldu,yenə gələn olmadı,
Gözünün yaşını silən olmadı.
Zəhmət çəkib neçə Can böyütmüsən,
Evin,övladların,ola-ola sən,
Qocalar evində niyə qalırsan?..
Gələydi “Ağ atlım” mənim
İlahi! Gələydi “Ağ atlım” mənim,
Al güllər açaydı yaşıl çəmənim.
Biləydi dərdimi könül həmdəmim,
Ürək nələr çəkir həsrət əlindən.
Üzüb atacaqsan...Gülümə dəymə,
Mizrabın alışar,telimə dəymə.
Bir gün gedəcəksən,qapımı döymə,
Qəlbim əzab çəkər möhnət əlindən.
Boynu bükük bənövşəyəm,dəstəyəm,
Əğyara görsənməm,boyu bəstəyəm.
Nə zamandı həsrətindən xəstəyəm,
Dərib apar məni,qürbət elindən.
Son xəbərlər
Ən çox oxunanlar
- Bu gün
- Bu həftə
- Bu ay
