Britaniyalı məşhur musiqiçi Elton Con öz diz qapaqlarından boyunbağı və broş hazırladıb.

"Turaztv.az" “Qafqazinfo”-ya istinadən xəbər verir ki, o bu barədə “Touched by Gold” sənədli filmində danışıb.

Sənətçi oynaq problemlərindən əziyyət çəkdiyini və 2024-cü ildə diz protezi əməliyyatı keçirdiyini bölüşüb.

Daha sonra müğənni çıxarılan diz qapaqlarını xatirə olaraq saxlamaq qərarına gəlib. O, zərgərlik dizayneri Teo Fennelldən onlardan zinət əşyaları hazırlamağı xahiş edib.

E.Conun konkret planları olmadığına görə, Fennell özü bu konsepsiya ilə çıxış edib. O, musiqiçinin sümüklərini qurudub pemza daşına bənzəyənə qədər bişirib, sonra xüsusi məhlulla örtərək cilalayıb.

Sağ qapaqdan qızılla örtülmüş boyunbağı hazırlanıb. Fennell əsərin üzərinə latın dilində “Mən bir daha heç bir kişiyə baş əyməyəcəyəm” yazısını həkk edib.

Sol qapağın ölçüsü isə daha balaca olduğu üçün ondan broş hazılayıb.