Sevgi insanın fizaloji tələbatının ödənilməsini əsaslandırmaqa yönələn bir vasitə, məhəbbət isə qarşılıqlı anlaşmadan irəli gələn, insanı varlığın, düşüncələrini olduğu kimi qəbul edən sabit, davamlı və təmənnasız hissiyatdır !!!
Məmməd İbadoğlu.

İstər dahilərin, istərsədə həyatımızın müəyyən hissəsində əvəzsiz xidmətləri olmuş klassiklərimizin və eləcədə müasirimiz olan yaradıcı dostların düşüncəsindən süzülüb gələn ibratamiz fikirləri görəndə, onu diqqətlə oxuyub məntiqi nəticəsinə varmağa çalışmışam. Bu cür deyimlərin nə qədər doğru, dürüst, məntiqi nəticəsi olduğunu görüb, vacib olduğu qədər düşüncəmi zənginləşdirmişəm. Çünki, istənilən dolğun fikir insanı düşündürür və mənən saflaşdırır...

Sözünə, səsinə, sosial şəbəkədə insani dəyərlərdən sayılan davranışına və illərlə iş yoldaşlığı etdiyim və yaxından tanıdığım bir çox dostlarla, tanışlarla yaxın münasibətinə görə sevib tanıdığım Mamed İbadoğlu haqqında yazı yazmağı bir xeyli müddət vardı ki, özüm üçün qərarlaşdırmışdım. Hər dəfə sözünə və səsinə uyğun poeziya nümunələri seçib səsləndirən bu insanın ecazkar səsi ruhuma düşən sanki bir açar idı . Doğrusu onun yaradıcı dostlara diqqətcil olduğunu bir neçə dəfə səsləndirdiyi şeirlərdə və yazdığı rəylərdə görüb müşahidə etmişdim. Hətta bir neçə dəfə mənim öz şeirlərimə istinad və nəzirəsi ilə rəğbətimi qazanmışdı. Ona görə, hər dəfə bu istəyimi qələmə almaq düşüncəsi qəlbimdə eynən var-gəl etməkdə idi. Odur ki, doğru dürüst bir məqam və səbəb axtarmaqda idim. Səbəb çox olsada, məqm sarıdan baxtım gətirmirdi...

Şair qardaşımız vətənimizin şair və sənətkarlar diyarı Şamaxının, təxmin etdiyimə görə dilbər guşəsi olan Pirqulu, Dəmirçi, Zarat zonasından idi. Çünki, 30 ildən yuxarı canını Azərbaycan mətbuatında ədalət və həqiqət axtarışında qoyan, "Ədalət və Həqiqət" qəzetinin qurucusu və baş redaktoru Cəmil Zəbhulla oğlu Dadasov və 14 il zavodda bir yerdə işləyib, bu gündə səmimi münasibətdə olduğum Kamran Quliyevin Mamed İbadoğlunu tanımaları, hər üçünün bir-birinə yaxın kəndlərdən olmalarına hiss etmişdim. Doğrusu bir azda buna görə şair qardaşımıza diqqətim həmişə əhəmiyyətli dərəcədə fərqlənirdi. Həmdə bu istiliyə onun son vaxtlar ortalığa çıxardığı maraqlı və mükəmməl yaradıcılığı, insanı özünə cəzb edən ruha qida olan ecazkar səsi, bu istəyimə daha bir istilik qatırdı...

Mamed qardaşımızın bu yazıya, yuxarıda sitat gətirdiyim aforizimində, sevginin insan üçün fizaloji bir vasitə kimi görüb, ondan doğan məhəbbəti isə, qarşılıqlı (eynən bizdəki kimi) anlaşmadan irəli gələn sabit, təmənnasız hissiyyat duyğusu olduğunu göstərməsi, deyərdim ən doğru yanaşma idi.
Şairin, sevgi və məhəbbətlə dolu qəlbindən süzülüb gələn yaradıcılığına diqqət kəsiləndə, bu insanın qəlb duyğusunun sevgi və məhəbbətdən yoğrulduğunu əmin olursan. Onun şeirləri ilə tanış olduqca bu sevgi və məhəbbətin vəhdətin görürsən. Şair, doğurdan da bunu öz iç dünyasının sirri kimi görüb, nəzmə çəkərək agah edir.

İlahi nemət olan məhəbbətin bənzərsizliyi, şairin sonrakı misrasında belə səslənir.

Bu cür saf, ali dəyərlərin nəticə qiyməti olan məhəbbətin insan qəlbində yaratdığı təlatüm həmişə hiss edilir, duyulur, onun səmimiyyət üzərində qurduğu ünsiyyət insan davranışında özünü büruzə verir.

Şairin gözəl yaradıcılıq nümunələri məhz sevgidən yoğrulub, məhəbbətlə üzə çıxarılıb. Məsələn, ona bətnindən özünü dərk qədər sevgi və məhəbbət öyrədən anaya səcdəsi olan, "AY ANA" şeirinə nəzər salsaq görərik ki, bu sevginin, məhəbbətin qaynaqı haradandır.

Ana qayğısının insan qəlbində yaratdığı sevginin əvəzsizliyin şair çox gözəl və möhtəşəm olaraq oxucusuna növbəti bənddə belə çatdırır.

Aristotel deyir ki, - "Sevmək başqasına yaxşı hesab etdiyin nemətləri arzulamaqdır, həm də özün üçün deyil, sevdiyin üçün arzulamaq və mümkün qədər onu bu nemətlə təmin etməkdir."
Məhz gözəl qiraətçi və hörmətli şairimiz Mamed Ibadoqlu öz sevgisini bu cür büruzə verir.

V.Hüqonun məntiqi nəticəsi ilə desək, - "Hər zaman bir-birinizi bütün qəlbinizlə sevin. Dünyada sevgidən savayı demək olar ki, heç nə yoxdur."
Gözəl şair və ecazkar səsi ilə ürəkləri fəth edən qiraətçi Mamed Ibadoqlu, -"Ay ana kölgənə ehtiyacım var" - deyərək sevgisini bildirir.

Səhnə adı Dizraeli ilə tanınan Rowan Alexander Sawday, İngiltərənin Bristol şəhərindən olan britaniyalı reper, şair və musiqiçi B.Dizraeli deyir ki, - "Hamımız məhəbbət üçün doğuluruq, bu varlığın prinsipi və yeganə məqsədidir." Şair varlığını bu cür tərənnüm edir.

Dəyərli qiraətçi və gözəl şairimiz Mamed Ibadoqlunun bütün yaradıcılığında sevgi və məhəbbət özünü sözdə, misrada, bənddə göstərir. Onun, "GÖRMÜŞƏM" şeirinə diqqət yetirsək görərik ki, şair öz sözünü həyatın sevgi və məhəbbəti ilə yoğrub.

"El üçün ağlayan gözsüz qalar " - kəlamını şair qəlb ağrısı ilə belə sıralayır.

"Bu dünyanın hər üzünü görmüşəm"- deyən şair çox doğru olaraq vurğulayır.


Şairin bütün şeirlərində sevgi saflığını, məhəbbət ülvülüyünü oxucu sözbəsöz, sətirbəsətir görüb və duyur. Onun, "ATAM" şeiri də, bu qəbildəndi.
Bir övladın ata sevgisindən doğan məhəbbətin yaşanan duyğusunu yaşayan bir övlad kimi gözəl şairimiz Mamed Ibadoqlu elə gözəl və obrazlı çatdırır ki, sanki oxucunun qəlbini tilsimləyir, onu öz uşağlığına çəkib xatirələrində yaşadır.

Bu hər bir övladın atasından gördüyü və gözlədiyi davranış idi.

Atam nəvazişi, ata sevgisi bu cür pərvazlanıb övlad ruhunu məhəbbətinə qərq edirdi.

Bəli, bir hissin duyğusundan hər birimiz bunu yaşamışıq. Hər birimizin atalı dünyamızda duyub gördüklərimizdi bütün bunlar. Şair bunu böyük sevgi, məhəbbətlə özünəməxsus şəkildə qələmə alıb.

Ata varlığının gözəlliyini obrazlı şəkildə oxucusuna çatdıran şair qardaşımız, bir ata sevgisinin uşaq qəlbində yaratdıqlarının gözəl tərənnümüdü bu şeir. Onu duyduğu kimi tərənnüm etmək, şair ruhunun məhəbbətindən irəli gəlir.

Sovet imperiyasının əsas fiqurlarından biri sayılan F.Dzerjinskiy deyirdi ki, - "Məhəbbət olan yerdə insanı sındıra biləcək əzab-əziyyət yoxdur."
Bunun bir həqiqət olduğunu hər birimizin həyatımızda dərk edib anladığımız məntiqli nəticədir. Həqiqətəndə gözəl şairimiz, ecazkar səsi ilə ruhumuzu oxşayan Mamed Ibadoqlu yaradıcılığında bu sevgini və məhəbbəti mən duya - duya yaşadım. İnanıram ki, dəyərli oxucularımıza bu kiçicik yazıda bunu görüb, sevərək Mamed Ibadoqlu yaradıcılığını, məhəbbətlə varaqladacaq.
Öz növbəmdə mən də, dəyərli ziyalımız, gözəl şairimiz, möhtəşəm səslə qiraətçilik edən Mamed Ibadoqluna bir dost kimi sevgimi bu kiçik yazımla çatdırıb, onun yaradıcılığına olan məhəbbətimi ərmağan edirəm.
Böyük səmimiyyət və ehtiramla,
Elxas Comərd,
AYB-nin, "İti Qələm" Respublika Ədəbi Birliyinin və
"Ağsu Yazarları" Ədəbi Birliyinin üzvü.
Şair - publisist.