Səudiyyə Ərəbistanı ABŞ Prezidenti Donald Tramp və Rusiya lideri Vladimir Putin arasında zirvə görüşünün keçirilməsinə razılıq verib.

“Qafqazinfo” TASS-a istinadən xəbər verir ki, bu barədə Səudiyyə Ərəbistanının Xarici İşlər Nazirliyi bəyanat yayıb.

“Krallıq Səudiyyə Ərəbistanında görüşün keçirilməsini alqışlayır və Rusiya ilə Ukrayna arasında davamlı sülhə nail olmaq üçün davamlı səylərini təsdiqləyir”, - nazirlik bildirib.

Qeyd edək ki, Tramp Hindistanın Baş naziri Narendra Modi ilə Ağ Evdə keçirdiyi görüşdə ABŞ, Rusiya və Ukrayna nümayəndələrinin gələn həftə Səudiyyə Ərəbistanında görüşəcəyini bildirib.