Aybəniz Qaragilə Qafarlı : Arzuların tükənməsin

Xəbərlər

3.01.2025, 00:54

Aybəniz Qaragilə Qafarlı : Arzuların tükənməsin - FOTO

Çox dəyərli qardaşım, Azərbaycanımın fəxri, qüruru,yüksək peşəkarlığı ilə Prokurorluq orqanlarına örnək olan, Vətənimizin ərazi bütövlüyü uğrunda sağlamlığını itirən Prokuror,Qarabağ qazisi Fərman Rzayevin yubiley yaşını,doğum gününü təbrik edirəm.Tanıdığım gündən hər zaman gözümdə günbəgün ucalan qardaşım,Allah sizə uzun və sağlam ömür versin.Bu şeirim sizə ərmağanım olsun!100 yaşayın!!!

Prokuror Fərman Rzayevə ithaf edirəm

Arzuların tükənməsin.

Əməlinlə ucalmısan,
Haqdan gəlib mərhəmətin.
Düşmənindən bac almısan,
Vətənədi sədaqətin.

Devizindi haqq ədalət,
Adın gəzir xeyir-şərdə.
Kimsə haqsız ola bilməz,
Sən oturan,olan yerdə.

Dürüstlüyün təməl daşı,
Xainlərin qənimisən.
İçin,çölün birdi,qardaş,
Olduğuntək səmimisən.

Könlündə bir duyğu yatır,
Bu mərhəmət,bu şəfqətdi.
Xeyirxahlıq əməllərin,
Danılmazdı,həqiqətdi.

Tükənməsin güc-qüvvətin,
Ürəyi saf,təmiz adam.
Bir ümmansan,bilən bilir,
Coşan,daşan dəniz adam.

Prokuror tək tanınsan da,
Həyat yolun keçdi çətin.
Ədalətin keşikçisi,
Dildə gəzdi rəşadətin.

Vətən üçün vuruşdun da,
Silahlandın səngərlərdə.
Ay elimin,qürur yeri,
Təbib oldun neçə dərdə.

Yetmişini haqlamısan,
Yüzə yetiş,sağlam yaşa.
Arzuların tükənməsin,
Payızdasan,çox var qışa.