İsrail hərbçiləri günün əvvəlindən Livanın “Hizbullah” hərəkatının döyüşçüləri tərəfindən İsrailə 160 raketin buraxıldığını qeydə alıblar.

"Turaztv.az" “Report” -a istinadən xəbər verir ki, bu barədə İsrail Müdafiə Qüvvələri (İMQ) məlumat yayıb.

Ordunun mətbuat xidməti bildirib ki, bu məlumatlar yerli vaxtla saat 15:00-a (Bakı vaxtı ilə 17:00) olan vəziyyətə aiddir.

İMQ “Hizbullah”dan gələn təhdidlərə qarşı İsraili və onun xalqını qorumağa davam edəcəyini vurğulayıb.

Xatırladaq ki, sentyabrın 23-də İsrail Livanda "Hizbullah" birləşmələrinə qarşı "Şimal oxları" əməliyyatına başlayıb və təşkilatın hərbi obyektlərinə kütləvi zərbələr endirir. Oktyabrın 1-nə keçən gecə İsrail ordusu Livanın cənubunda sərhədyanı rayonlarda quru əməliyyatının keçirildiyini elan edib.