Dədə Ələsgəri yalnız saz çalıb- oxuyan aşıq kimi təsəvvür edən yoldaşlar bilməlidirlər ki, Ustadın yaradıcılığı həm fəlsəfi , həm mənəvi, həm də dini- irfani baxımdan əvəzolunmaz sənət nümunələrinin cəmindən ibarətdir.
16 şeir janrında 20 şeir nümunəsi yaratmaq indiyədək rast gəlmədiyimiz yaradıcılıq monumentallığıdır, polimentallığı ilə ən yüksək zirvədə dayanır. Heykəlin arxitekturasında mövcud olan bütün bu elementlər maksimum şəkildə ifadə olunmuşdir.
Heykəlin obrazlılığı və qoyulduğu yer də sanki ilahi bir iradə ilə məhz heykəli qoyan OĞULUN öz seçimi ilə təyin olunmuşdur. Şəhərin axın intensivliyi ən çox, gecə işıqlanması maksimum olan yerində, gözəl bir parkda Dədə Ələsgər abidəsinin ucaldılmasının özü xüsusi bir rəmzi mahiyyət daşıyır.
Dədə Ələsgər irfan əhlinin qüdrətli nümayəndələrindən biri olduğuna görə, irfani baxışlar prizmasında dörd yolun birləşdiyi şam və çinar ağaclarının əhatə etdiyi məkanda ucaldılmış abidə Ustadın yaradıcılığını, şəxsiyyətinı, həyat tərzini və yaşam hədəfini ehtiva edən meyarların rəmzi modeli kimi də qəbul edilə bilər.

Xəyalən abidənin ərtafında olan hər şeyin şəkilini silsək, seyri-suluk yolçularının təsəvvüründə Dədə Ələsgər abidəsinin dörd yol qovşağıda görüntüsü Allaha(c.c) tərəf aparan şəriət, təriqət, mərifət və həqiqət yollarını kimi canlanacaqdır. Həmçinin şam ağacları kimi, Dədə Ələsgər yaradıcılığı da daim “ yaşıldır yaşıl!” Ulu Çinarlarsa Dədə Ələsgər şəxsiyyəti və yaradıcılığı ilə məxsusi harmoniya yaradır. Çinarlar daxilindən “yanır”, bəlkə də bitki aləminin qəhri onları bu hala salır. Aşıq Ələsgər ilhamının qəhri də bu oxşarlıqla vəhdət timsalındadır.
Qərbi Azərbaycana və ulu Göyçə mahalına qayıdış arzusunda olan insanların tarixi yurdlarına dönmək əzmlərinin aktuallaşdığı bir dönəmdə Müzəffər Ali baş Komandanın heykəlin açılışında oğlu Heydər Əliyevlə birlikdə iştirak etməsi və bir sıra zəruri tarixi mesajlar göndərməsi sıradan olan məsələ deyil. Burada ortaya qoyulan tarixi və siyasi-ictimai məsələlər hər kəsə yönəlmiş vacib dəlillərdir.
Dəyərli dostlar, bəlkə də kimsə yazdığım müəyyən cümlələrə nağıl fraqmenti kimi baxacaq, amma elə olmadığına tam əminliyimi bildirirəm.
Abidənin ərsəyə gəlməsi üçün gecə- gündüz zəhmət çəkib, tər- tökən müəllifin yaratdığı ən möhtəşəm sənət nümunələrindən biri də uğurlu alındığına görə hörmətli Professor Natiq Əliyevə minnətdarlıq borcumuzu unutmaq istəmirəm!
Bakının müxtəlif yerlərində qoyulmuş abidələrin müəllifi kimi Hörmətli Professorun Dədə Ələsgər heykəlinə çəkdiyiu əvəzsiz zəhmət çox böyük dəyərə malikdir və bir daha dəyərli şəxsinə və arxitekturla bərabər zəhməti keçən hər kəsə təşəkkürlərimizi çatdırmaq istəyirəm!
Dədə Ələsgər boyca iki metrdən hündür, cəngavər- pəhləvan cüssəli olub.
Saz Dədə Qorquddan bu günə qədər xalqımızın qəhrəmanlıq və sədaqət xislətini dartıb gətirən müqəddəs daşıyıcı vasitədir, musiqi alətlərinin piridir, heykəldə təsviri var!
Xalq Qəhrəmanı Qoç Koroğlunun bir əlində qılınc, bir əlində saz şığıyib aslan kimi meydan sulamağının əlamətləri heykəldə var!
Sazın ismət və gerçəklik simvolu olmasının ifadəsi heykəldə var!
Aşıq Ələsgər şəxsiyyətinin Ucalıq (mürşidi) qarşısında başını dik tutmaması onun əxlaqi tərbiyəvi təbiətinin əksidir, hətta (rəqsi səma) sufi- dərviş rituallarının görüntüsü heykəldə var!
Hələ neçə- neçə əlamətlər saya bilərəm vaxtınızı almaq istəmirəm!
Heykəl yol səthindən 79 sm. hündürdə qoyulub. 30 sm. postamenti, üstəgəl 60 sm. alt yapısı, 240 sm. də öz hündürlüyüdür. 4 metrlik abidənu ucaltmaq o qədər də asan iş deyil. Özü də tuncdan tökülmədə saysız- hesasbsız əlavə restavrasiya, dekorasiya və estetik işləmlər ortaya çıxır. Demək ki, çox qüdrətli bir iş görülüb. Alt yapısında Dədə Ələsgərin müxtəlif misra və beytləri orijinal şriftlərlə qeyd olunub. Ustadın həyatının qeyri -adi məqamlarını göstərən təsvirlər təsbit olunub. Sanki bir kitabdır oxunur. Bunlar hamsı dərin ağıl və təfəkkür işidir, dəyərləndilməlidir!
Bu iş üçün çəkdiyi zəhmətə görə Möhtərəm Prezidentimizin Dədə Ələsgərin möhtəşəm heykəlinin qoyulması barədə sərəncamının yerinə yetirilməsi üçün zəhməti keçmiş hər kəsə və şəxsən Professor Natiq Əliyevə bir daha dərin təşəkkürlərimi bildirirəm!
[b]Hörmətlə:[/b]
Həkim,provizor, Tibb üzrə fəlsəfə doktoru,
Qələbə Tibb Mərkəzi MMC-nin direktoru
Hacı Abbas Əli oğlu Bağırov (Göyçəgöl)