Xəbərlər
18.08.2024, 21:49
Arzu Yaqub qızı: Tanrı məhəbbətisən - FOTO
Tanrı məhəbbətisən
Ya sevincsən , ya kədər,
Unutmaq deyil asan.
Deyilməyən söz daşır,
Kəlməsiz dodağından
Gülüşündəki sirri
Kimsə baxıb duyacaq.
Gözlərinin rəsmini
Ürəyinə qoyacaq.
Qarışır küləklərə,
Saçlarının ahəngi.
Kimsə bilməz necədir,
Sənin sevginin rəngi.
Yağış yağır bəlkə də,
İsladır tellərini.
Əldə qələm oxşayır
O zərif əllərini.
Hey gəzib dolanırsan
Xəyalının bağında.
Könlün məskən salıbdır,
Qürurunun dağında.
Gözəlliyində bir sirr,
Günahın , savabın nə?
O hansı bəxtəvər ki
Layiq olacaq sənə?...
Çox ürəklər odlanıb
Yanacaqdır yolunda.
Arzuların sağında,
Ümidlərin solunda.
Arzun güldür , çiçəkdir,
Ürəyinin əlində
Eh, sənlə danışıram ,
Mən də şeir dilində
Qar altdan bir bənövşə,
Qaldıracaq başını.
Gün gələcək sevincin
Sevəcək göz yaşını.
Bəlkə də bir rəssamsan,
Bəlkə də bir bəstəkar.
O şeir ürəyinin
Gözəl misraları var.
Kiminsə sevgisisən,
Kiminsə hikmətisən.
Ay Tanrıdan küsənim,
Tanrı məhəbbətisən.
Unutmaq deyil asan.
Deyilməyən söz daşır,
Kəlməsiz dodağından
Gülüşündəki sirri
Kimsə baxıb duyacaq.
Gözlərinin rəsmini
Ürəyinə qoyacaq.
Qarışır küləklərə,
Saçlarının ahəngi.
Kimsə bilməz necədir,
Sənin sevginin rəngi.
Yağış yağır bəlkə də,
İsladır tellərini.
Əldə qələm oxşayır
O zərif əllərini.
Hey gəzib dolanırsan
Xəyalının bağında.
Könlün məskən salıbdır,
Qürurunun dağında.
Gözəlliyində bir sirr,
Günahın , savabın nə?
O hansı bəxtəvər ki
Layiq olacaq sənə?...
Çox ürəklər odlanıb
Yanacaqdır yolunda.
Arzuların sağında,
Ümidlərin solunda.
Arzun güldür , çiçəkdir,
Ürəyinin əlində
Eh, sənlə danışıram ,
Mən də şeir dilində
Qar altdan bir bənövşə,
Qaldıracaq başını.
Gün gələcək sevincin
Sevəcək göz yaşını.
Bəlkə də bir rəssamsan,
Bəlkə də bir bəstəkar.
O şeir ürəyinin
Gözəl misraları var.
Kiminsə sevgisisən,
Kiminsə hikmətisən.
Ay Tanrıdan küsənim,
Tanrı məhəbbətisən.
Son xəbərlər
Ən çox oxunanlar
- Bu gün
- Bu həftə
- Bu ay
