Tədbir Azərbaycan Respublikasının Dövlət Himni ilə başlandı, Vətənimizin azadlığı və torpaqlarımızın ərazi bütövlüyü uğrunda canından keçmiş şəhidlərimizin əziz xatirəsi bir dəqiqəlik sükutla yad edildi.Tədbiri Muzeyin direktoru Kəmalə Rəfibəyli açaraq muzeylərin ölkəmizin qədim tarixinin gələcək nəsillərə ötürülməsində misilsiz rolundan danışdı.
Daha sonra hazırlanmış video təqdimata baxıldı.
Tədbirdə iştirak edən qonaqlar- Qarabağ Regional Mədəniyyət İdarəsi Bərdə rayon Mədəniyyət Mərkəzinin rəhbəri Gülbəs Məmmədova, Prezident təqaüdçüsü Tərlan Musayeva, Qarabağ Müharibəsi Əlilləri,Veteranları və Şəhid ailələri İctimai birliyinin Bərdə rayon üzrə sədri Etibar Hüseynova, Bərdə rayon Heydər Əliyev Mərkəzinin direktoru Arifət Əhmədova və digər qonaqlar Muzey əməkdaşlarını Peşə bayramı münasibətilə təbrik etdilər.
Tədbirin bədii hissəsi Bərdə şəhər 1 nömrəli Uşaq İncəsənət Məktəbinin xalq çalğı alətlər şöbəsinin ansamblının təşkilatçılığı ilə hazırlandı.
Məktəbin müəllimləri Yasin Ələkbərov, Rəhman Təhməzov, İlham Sahibov, Şaiq Məmmədov rəngarəng musiqi nömrələri ilə çıxış etdilər.
Sonda qonaqlar tədbir münasibətilə təşkil edilmiş sərgiyə baxış keçirərək muzeyi ziyarət etdilər.