Turaztv.az təqdim edir:
Bərdə Tarix-diyarşünaslıq muzeyinin əməkdaşları Vətən müharibəsi şəhidlərini tanıtmaq məqsədilə 2021-ci ilin əvvəlindən "Tanıyaq tanıdaq" adlı layihəyə başlamış, Şəhidlərin xatirəsinin yaşadılması onların göstərdikləri qəhrəmanlıq və şücaətin təbliğ olunması, şəhidlərin ömür yolu haqqında ictimaiyyətin məlumatlandırılması məqsədilə onların ailə üzvləri ilə görüşlər keçirmiş xatirələrini əbədiləşdirmək məqsədilə şəxsi əşyaları ailələrindən təhvil alınaraq muzeydə guşə yaradılmışdır.
Son 1 ilə yaxındır ki, artıq "Tanıyaq- tanıdaq" layihəsinin davamı olaraq Bərdə Tarix-diyarşünaslıq Muzeyində şəhidlərimizə həsr edilmiş Açıq dərslər keçirilir.
Bu günkü "Açıq dərs" Vətən müharibəsi şəhidi Quliyev Mehman Telman oğluna həsr edildi.
Açıq dərs Bərdə rayon şəhid E.Abdullayev adına Əyricə kənd tam orta məktəbin müəlliməsi Qasımova Firuzə tərəfindən hazırlandı.
İlk olaraq Vətənin azadlığı uğrunda canından keçən şəhidlərin xatirəsi bir dəqiqəlik sükutla yad edildi, daha sonra Azərbaycan Respublikasının Dövlət Himni səsləndi.
Açıq dərsdə şəhidin ailə üzvləri, Vətən Müharibəsi iştirakçısıları-qazi Soltanlı Elvin, qazi Əliyev Əmrah, qazi Məmmədov İlham, qazi Mirzəliyev Nicat, qazi Abdullayev Orxan, qazi Əsədzadə Eldəniz, qazi Nəbili Nəcməddin, Qarabağ Müharibəsi Əlilləri, Veteranları və Şəhid Ailələri İctimai Birliyinin Bərdə üzrə sədri Hüseynova Etibar, Qarabağ Regional Təhsil idarəsi Bərdə sektorunun metodisti Qasımov Cəlal, və digər qonaqlar iştirak edib.
Şagirdlər şəhidin həyatı və şərəfli döyüş yolundan danışdılar. Şəhidə həsr olunmuş şeir, mahnı və videoçarx nümayiş olundu.
Sonda qonaqlar və məktəblilər muzeyi ekskursiya etdilər.