Misir Prezidenti Əbdülfəttah əs-Sisi Böyük Britaniyanın Baş naziri Rişi Sunak ilə görüşündə Qəzza bölgəsindəki müharibənin bütün regiona yayılmasının qarşısını almaq üçün hərəkətlərin əlaqələndirilməsinin vacibliyini bildirib.

Turaztv.az AZƏRTAC-a istinadən xəbər verir ki, bu barədə “Əl-Qahira əl-İhbariyyə” telekanalı məlumt yayıb. Telekanal Misir liderinin sözlərindən sitat gətirib: “Müharibənin regional səviyyəyə keçməsinin qarşısını almaq üçün koordinasiya və əməkdaşlıq lazımdır”.

"Biz hamımız regionda nəzarətdən çıxa biləcək hadisələrin qarşısını almaq üçün tədbirlər görməliyik", - deyə Misir lideri bildirib.

Böyük Britaniyanın Baş naziri öz növbəsində Misir Prezidentinin Fələstin probleminin həlli və Qəzza zolağına humanitar yardımın çatdırılması istiqamətində səylərini yüksək qiymətləndirib.