Xəbərlər
5.08.2023, 23:03
KÖNÜL MƏLƏYİ - FOTO
KÖNÜL MƏLƏYİ
Yazılıb özümdən qabaq taleyim,
Xoş günə qənim, xoşbəxtliyə qənim.
Gülmədi üzümə ilk gündən mənim,
Bələnib tərsinə körpə bələyim,
Mənə sən deyirsən, könül mələyi.
Nə mələk, yox belə nişanə könlüm,
Şux gözəllik gedib, viranə könlüm.
Haqq-hesab vermişəm divanə könlüm,
Küləklər ağzında bir quş lələyi,
Mənə sən deyirsən, könül mələyi.
İblis, şeytan oynar dörd bir yanımda,
Qarışıb kədər - qəm, axır qanımda.
Acı həsrət gözdə, ağrı canımda,
Düz sözüm başıma açır kələyi,
Mənə sən deyirsən, könül mələyi.
Əkdiyim zəmidən dərd-kədər biçim,
Susuz qalanda, qəm - qüssə içim.
Yol qalıb bir qarış, məzara köçüm,
Qınama bəxtimi yazan fələyin,
Mənə sən deyirsən, könül mələyi.
Zülmət əsiridir, dərd qucağıdır,
Yaşımın, ömrümün gör nə çağıdır.
Köksümün altında qəm ocağıdır,
Püstənin ələnib çoxdan ələyi,
Mənə sən deyirsən, könül mələyi.
Xoş günə qənim, xoşbəxtliyə qənim.
Gülmədi üzümə ilk gündən mənim,
Bələnib tərsinə körpə bələyim,
Mənə sən deyirsən, könül mələyi.
Nə mələk, yox belə nişanə könlüm,
Şux gözəllik gedib, viranə könlüm.
Haqq-hesab vermişəm divanə könlüm,
Küləklər ağzında bir quş lələyi,
Mənə sən deyirsən, könül mələyi.
İblis, şeytan oynar dörd bir yanımda,
Qarışıb kədər - qəm, axır qanımda.
Acı həsrət gözdə, ağrı canımda,
Düz sözüm başıma açır kələyi,
Mənə sən deyirsən, könül mələyi.
Əkdiyim zəmidən dərd-kədər biçim,
Susuz qalanda, qəm - qüssə içim.
Yol qalıb bir qarış, məzara köçüm,
Qınama bəxtimi yazan fələyin,
Mənə sən deyirsən, könül mələyi.
Zülmət əsiridir, dərd qucağıdır,
Yaşımın, ömrümün gör nə çağıdır.
Köksümün altında qəm ocağıdır,
Püstənin ələnib çoxdan ələyi,
Mənə sən deyirsən, könül mələyi.
PÜSTƏ RƏVAN,
AYB-nin üzvü,AJB-nin üzvü,
Şair publisist
05.08.2023
AYB-nin üzvü,AJB-nin üzvü,
Şair publisist
05.08.2023
Son xəbərlər
Ən çox oxunanlar
- Bu gün
- Bu həftə
- Bu ay
