Beydulla Gəraylı: AY USTAD - FOTO

Xəbərlər

3.08.2023, 00:13

Beydulla Gəraylı: AY USTAD - FOTO

Ürəyimdən gələn bu duyğuları 1999 cu il 24 oktyabrda,Şamaxıda İstirahət parkında yazmışdım, DOSTLAR!!!

AY USTAD.

(Şirvan Aşıq məktəbinin görkəmli sənətkarı Ustad Aşıq Barat Şirvanlının əziz xatirəsinə)

Neçə vaxtdır gözləyirəm yolunu,
Görünmürsən gözlərimə,ay Ustad!
Vüqarlı baxışın məğrur yerişin,
Harda azıb,harda qalıb,ay Ustad!?

Niyə gəlmir o gur səsin,avazın,
Yoxsa qışa döndü çiçəkli,yazın!?
Niyə çağlamayır sədəfli sazın,
Yoxca sazın kökdən qalıb,ay Ustad!?

,,Güllü qafiyə¹,,nin gülünə qurban,
,,Qara qafiyə²,,li dilinə qurban.
Sazının bəminə,zilinə qurban,
Məclislərin yetim qalıb,ay Ustad.

,,Sarı köynək,,³,həsrətindən saralıb,
Bülbül susub,baxçaları xar alıb.
Sənsız yetimləşib kaman,tar qalıb,
Hıcran nəğməsini çalıb,ay Ustad.

,,Gözəlləmə,,⁴susub,"Zarıncı,,5 ağlar,
,,Bir sona sallanıb,, səni soraqlar.
,,Peşro,,ny6 oyunçaq edib ,,aşıqlar,,
Bir quruca adı qalıb ay Ustad.

Çıxmaz heç yadımdan sözün,söhbətin,
Müdrik kəlamların,həm nəsihətin,
Sizə qarşı olan böyük hörmətim,
Ömürlük qəlbimdə qalıb,ay Ustad.

Gəraylıyam, Ustad bilmişəm səni,
Korlayıblar,"Kərəmi"7,"Şikəstə" ni8,
"Aşıq" deyib,çağırırlar yetəni,
Yanıb bağrım,külü qalıb,ay Ustad!!!

(B.G)...24.10.1999...Şamaxı.
B.Gəraylı...03.08.2020...Perm...

----------------

1və2.Qədim aşıq havalarıdır.
3.Ustad tərəfindən ilk dəfə oxunub.
4-5.qədim aşıq havaları.
6.məclisləri aşıqlar bu hava ilə başlayardılar.
7-,,Döymə Kərəmi,,aşıq havası
8-,, Şırvan şikəstəsi,,