Xəbərlər / Nesr
19.06.2023, 00:50
Aşıq Barat ƏHMƏDOĞLU: Aşıq Ağamuradla fəxr edirəm - FOTO
Aşıq Ağamurada həsr olunmuş, 2012-ci il tarixdə çap olunmuş
"Mən muradlar övladıyam" kitabından
Aşıq Barat ƏHMƏDOĞLU
(1916-1997)
"Mən muradlar övladıyam" kitabından
Aşıq Barat ƏHMƏDOĞLU
(1916-1997)
Aşıq Ağamuradın atası əslən Şamaxı rayonunun (indiki Qobustan) Təsi kəndindəndir. Onun babası ilk öncə mənim atamla dost olublar. Xoşbəxtlikdən sonradan özüm Ağamuradın atası Balamuradla və dayısı şair Nadir Mərzəngəli ilə yaxın dostluq edirəm. Aşıq Ağamuradı isə 1987-ci ildən tanıyıram. O, ata-babalarımızdan qalan bu dostluğu, ikimizin aramızda yaranan əmi-bala münasibətləri ilə daha da möhkəmləndirdi. Ağamuradla yaş fərqimizin çox olmasına baxmayaraq, bizim çox şirin dostluq əlaqələrimiz var. O, həmişə mənim qulluğumda durar, məni öz minik maşını ilə istədiyim yerə aparar, tez-tez bizə baş çəkər və məni darıxmağa qoymaz. Aşıq kimi də ilk dəfə ona qulaq asanda dedim ki, səsi, avazı doğrudan da əsil aşıq səsidir. Mən də bildiklərimi ondan əsigəmirəm. Onun gələcəyinə böyük ümidlər bəsləyərək öz sazımı ona verib, ağsaqqal, ustad xeyir-duası vermişəm. Mən belə istedadlı, fərasətli, sənətində məsuliyyətli, günü-gündən səsi-sorağı artan, özünü bütün ustad aşıqlarımıza sevdirən Aşıq Ağamuradla fəxr edirəm. Həyatda ona can sağlığı, sənətində uğurlar arzulayıram.
10 mart, 1996
Təqdim etdi: Aşıq Ağamurad Şirvanlı
Son xəbərlər
Ən çox oxunanlar
- Bu gün
- Bu həftə
- Bu ay
