Ofelya Səfərovanın timsalında. Həkimlərimizə

Xəbərlər

22.06.2023, 00:28

Ofelya Səfərovanın timsalında. Həkimlərimizə - FOTO

Şəfalı əlləri ilə insanların keşiyində duran öz qayğısını əsirgəməyən gülərək üzündəki təbəssümü ilə insan qəlbinə yol açan Qəbələ rayon Sağlam həyat tibbi mərkəzinin həkimi Ofelya Səfərova.

Gözəl həkim olmaqla yanaşı yaradıcılığa da vaxt ayıraraq sizi izləyirəm fb səhifənizdə şeirlərinizin vurğunuyam deyərək mənimlə öz xoş səmimi duyğularını bölüşən həkimə öz təşəkkürümü bildirirəm. Nə yaxşı ki, Qəbələmizin belə fədakar həkimləri var.
Ofelya Səfərovanın timsalında.
Həkimlərimizə.

Həkimlərimiz

Xəstənin nazını çəkərək hər an,
Qulluqda durursan fədakar insan,
Duraraq keşikdə daim hər zaman,
Çəkir nazımızı həkimlərimiz.

Ağ xalat əynində,dua dilində,
Nəvaziş göstərib,şəfa əlində,
Dərdlər qalaq-qalaq o ağ telində,
Çəkir nazımızı həkimlərimiz.

Göydə uca Allah,yerdə həkimlər,
Sizlərə dikilib xəstə ümidlər,
Çarə axtaranda dərdli ürəklər,
Çəkir nazımızı həkimlərimiz.

Şəhlayam sizlərə bağlı ömrümüz,
Dəvasız dərmansız keçmir günümüz,
Dikilib ümüdlə sizə gözümüz,
Çəkir nazımızı həkimlərimiz.

Şəhla Xəlilqızı