Akif HACIYEV: Adam var dəfələrlə görüşərsən, söhbətləşərsən az müddət sonra onu unudarsan

Xəbərlər

12.01.2023, 21:13

Akif HACIYEV: Adam var dəfələrlə görüşərsən, söhbətləşərsən az müddət sonra onu unudarsan - FOTO

Adam var dəfələrlə görüşərsən, söhbətləşərsən az müddət sonra onu unudarsan

Adam da var bircə dəfə görüşərsən, söhbətləşərsən ömrü boyu onu unuda bilməzsən. "Azərbaycan" qəzetinin məsul katib müavini Daşdəmir Əjdəroğlu da bax, bircə dəfə görüşüb ömrü boyu unuda bilməyəcəyiniz insanlardandır. Universitetimizin elan və digər yazıları ilə əlaqədar yolum tez-tez bu qəzetin redaksiyasına düşür. Hər dəfə də o gülərüz, zəngin mənəviyyat sahibi olan Daşdəmir Əjdəroğlu ilə görüşüb söhbət etmək istəmişəm.
Qəzet işində çalışanlar yaxşı bilərlər, məsul katiblikdə işləyənlər günün əksər saatlarında ya planlaşdırmada, ya qəzet səhifələrinin tərtib olunduğu kompüter otağında, ya da redaktorun yanında olarlar. Bax, bu səbəbdən də Daşdəmiri görmək heç də həmişə mənə müyəssər olmayıb.
Amma bu dəfə nədənsə mənimki gətirdi. Mən onunla redaksiyanın bu dar dəhlizində görüşdüm və Qəbələnin, İsmayıllının ziyalı insanlarından, onun gözəl təbiətindən az da olsa söhbət edə bildim...