Turaztv.az » Xəbərlər » Həzin şeirlər müəllifi Aynur Dəryanın giley -güzarlı şeirinə nəzirə - HƏZİN ŞEİRLƏR
Xəbərlər

Həzin şeirlər müəllifi Aynur Dəryanın giley -güzarlı şeirinə nəzirə - HƏZİN ŞEİRLƏR

04.01.2023, 22:43 423
Həzin şeirlər müəllifi Aynur Dəryanın giley -güzarlı şeirinə nəzirə -  HƏZİN ŞEİRLƏR
Həzin şeirlər müəllifi Aynur Dəryanın giley -güzarlı şeirinə nəzirə

HƏZİN ŞEİRLƏR

Yas evi qan ağlayan vaxt,
Gələnlər aş dərdindədir,
Ölən qalıb bir qıraqda,
Küftə-bozbaş dərdindədir.

Deyib, başa salmaq gərək.
Ölənə yanarkən ürək.
Süfrədə her çeşid yemək,
Halva-lavaş dərdindədi.

Bu adətdir,ya savurma?
Matəmdə qarın doyurma!
Stolda kabab,qovurma
Bu hələ xaş dərdindədi.

Aynur Dərya 03/01/2023

DEYİNMƏYİN YEYƏ-YEYƏ
Dədə baba qoyan yolu,
Şaxələnən hər bir qolu,
İstər qızı, istər oğlu,
Ehsan verir borcum deyə,
Deyinməyin yeyə-yeyə.

Qonşum versə ehsan aşı,
Necə atım mən bu daşı,
Fikirləş sən yaxşı-yaxşı,
Dua edib yerə-göyə,
Deyinməyin yeyə-yeyə.

Unudulsa dədə baba,
Soyumazmı isti soba?
Aşdan çəkərək bir qaba,
Başa, dizə döyə-döyə,
Deyinməyin yeyə-yeyə.

Əvvəlindən ölçüb- biçib,
Toy düyündə başa keçib,
Bu adətdir yeyib, içib,
Uyuyaraq səsə-küyə,
Deyinməyin yeyə-yeyə.

Gəl uzatma bu davanı,
Ehsan buyurmuş halvanı,
Qarışdırıb sən dovğanı,
Uyub belə bir özgəyə,
Deyinməyin yeyə-yeyə.

Atam balası deyim yenə,
Versən əgər ehsan mənə,
O, da çoxdur desən sənə,
Vermə mənə söyə-söyə,
Deyinməyin yeyə-yeyə.

Şəhlayam mən sözün canı,
Ucuz tutma sən insanı,
Allah yetirsin imkanı,
Axır qəmin deyə-deyə,
Deyinmə sən yerə-göyə.


Şəhla Xəlilqızı.
04.01.2023.

Oxşar xəbərlər