Ölkə ictimaiyyəti tərəfindən antimilli qüvvələrin rəhbəri kimi tanınan, bütün fəaliyyətində ölkədaxili sabitliyi pozmağa, vətəndaş qarşıdurması yaratmağa çalışan Əli Kərimli çıxışlarının birində cənab prezident İlham Əliyevin Laçının üzərində Azərbaycanın suverenliyinin təmin olunması haqqında düşünmədiyini və diqqətini ancaq Zəngəzur Dəhlizinə yönəltdiyini iddia etmişdi. Bu fikirləri ilə cəmiyyətdə çaşqınlıq yaratmağa, 44 günlük vətən müharibəsinə kölgə salmağa çalışan Əli Kərimli məqsədlərinə nail ola bilmədi. Müzəffər Ali Baş Komandan İlham Əliyev hər zaman qeyd edir ki, “Nəyi, necə, nə vaxt etmək lazımdır, bunu mən bilirəm”.

Həqiqətən də bu gün - 26 avqust tarixində Ali Baş Komandanın Twitti bütün Azərbaycan xalqını sevindirdi, qürurlandırdı, əhval-ruhiyyəni yüksəltdi. Eyni zamanda antimilli qüvvələrin əsassız iddialarının kökündən yanlış olduğu əməli surətdə sübuta yetirdi. Prezident İlham Əliyev Əli Kərimliyə, onun havadarlarına və bütün antimilli qüvvələrə nəyi, necə, nə vaxt etmək lazım olduğunu yaxşı bildiyini və ölkə rəhbərliyinin bütün sahələrdə yürütdüyü siyasətin Azərbaycanı işıqlı gələcəyə doğru apardığını əyani şəkildə göstərdi. Bu gün Azərbaycan Ordusu Laçın şəhərinə yerləşdi. Zabux və Sus kəndləri nəzarətə götürüldü.

Bu xəbər dırnaqarası müxtəlifəti, beşinci kolonun nümayəndələrini və antimilli qüvvələri çox narahat etdi. Laçında müqəddəs bayrağımızın dalğalanması öz pafoslu, subyektiv, qeyri-obyektiv çıxışları ilə ölkə rəhbərliyinin siyasətini, görülən işləri, Zəfər Yürüşünü gözdən salmağa çalışan bu ünsürləri susdurdu, artıq deməyə söz tapa bilmirlər. Çünki, Azərbaycan hakimiyyəti dəfələrlə onların boş, əsassız, təxribat xarakterli çıxışlarına və iddialarına əməli cavablar verib. Ölkə rəhbərliyinin sonuncu cavabı bu qüvvələri məhv etdi, başlarını əzdi, səslərini kəsdi. Yaxın gələcəkdə onların əsl iç üzü ortaya çıxacaq, o, zaman ölkə ictimaiyyəti reallıqları görəcək, çılpaq həqiqətlər ilə üz-üzə gələcək!

Anar Salehoğlu
İctimai-siyasi faəl,
YAP Yevlax rayon təşkilatının fəal üzvü