QIZBƏS QƏBƏLƏ - BU DÜNYADA OLMAYAN İNSANLARA...

Xəbərlər

26.06.2022, 00:03

QIZBƏS QƏBƏLƏ - BU DÜNYADA OLMAYAN İNSANLARA...

QIZBƏS QƏBƏLƏ
BU DÜNYADA OLMAYAN İNSANLARA...

Kim bilir nə qədər arzunuz qalıb,
Sabaha yıgılan ruziniz qalıb...
Minillik daşlarda iziniz qalıb...
Gör bu dünyada nələr, nələr var ?!
Ey bu dünyadan gedən insanlar.

Yaşanıb sevdalar, eşqlər nə qədər,
Vaxtsız neçə ömürü allbdı qədər
Donubdu illərdə sonsuz qəm - kədər.
Neçə arzulara ələnibdi qar,
Ey bu dünyadan gedən insanlar.

Nə zillət yaşanlb, tökülüb qanlar,
Bitməz savaşlarda, alınlb canlar,
Yaşayıb fatehlər, xaqanlar, xanlar.
Zülm edib dünyaya neçə hökmdar,
Ey bu dünyadan gedən insanlar.

Söz tapıb deməkdə acizəm bilin,
Öz dəmi olubdur ötən hər ilin,
Əsrlərdən qalmış köhnə şəkilin,
Üstündə dolaşır qanadlı ruhlar,
Ey bu dünyadan gedən insanlar.

Yüz illər, min illər keçibdir belə,
Sovrulub talelər samantək yelə,
Heçliyə axışır dönərək selə,
Qalır hər insandan nəsə yadigar,
Ey bu dünyadan gedən insanlar.

Çagırın dünyanın baş bilənlərin,
Sayını toplasın o gedənlərin...
Milyon il dünyaya həm gələnlərin,
Görəsən hesabı nə qədər olar ???
Ey bu dünyadan gedən insanlar ?!

Əzəldən belədir dünyanın halı.
Dogulur, yaşayır, ölür hər canlı,
Apara bilməyir ylgdıqlarını.
Qalar, hər nəyi var dünyada qalar.
Ey bu dünyadan gedən insanlar...

Asandır yaşamaq dərdi qananla.
İnsana can deyən, hala yananla.
Deyir - burda olan hikmıti anla.
Əcəl hər canlının canını alar,
Ey bu dünyadan gedən insanlar...
Ey bu dünyadan gedən insanlar...